William T.G. Morton
William T.G. Morton ya iku pelopor panggunaan obat bius.[1] Dhèwèké lair ing Charlton, Massachusetts, taun 1819.[1] Dhèwèké sinau pérangan pembedahan untu ing Akademi Baltimore.[1] Taun 184, dhèwèké wiwit mbukak praktik dhokter untu.[1] Ing prakteke, Morton kepéngin supaya untu palsu bisa kepénak dienggo wong.[1] Kanggo nindakaké, dhèwèké kudu njabut untu kawak nganti oyot-oyote[1]. Sadurungé ana pembiusan, prosès njabut untu lara banget.[1] Lara mau kang gawé Morton mikirake babagan ngenani pembiusan utawa istilahe ing kadhokteran diarani anesthesia.[1] Sadurungé, sawijining dhokter untu kang jenenge Horac Wells nindakaké percobaan kanthi nitrous oxide utawa gas ketawa minangka bahan pembius.[1]
Nanging bahan mau ora cocog kanggo njabut untu.[2] Dhèwèké banjur golèk bahan liya kang luwih efektif.[2] Charles T. Jackson, sawijining ilmuwan ngusulake marang Morton supaya nggunakaké ether minangka bahan pembius.[2] Mula-mulane, Morton nggunakaké kéwan kaggo uji coba obat pembius.[2] Ing tanggal 30 September 1846, dhèwèké duwé kesempatan nguji joba marang pasien nalika arep njabutke untu.[2] Sawisé sadhar, pasien mau kandha yèn ora krasa lara nalika untune dijabut.[2] Nagging pecobaan mau ora disenengi wong akèh.[2] Nalika tanggal 16 Oktober 1846, ya iku ing Rumah Sakit Boston, Massachusetts, dhèwèké mamerake biuse marang pasien kang arep dioprasi.[2] Operasine kasil tanpa rasa lara.[2] Kawit iku, pembiusan digunakaké nalika pembedhahan.[2] Morton tingal donya taun 1868 ing kutha New York nalika umuré genep 49 taun.[2]