Pyotr Chaykovskiy
| Tuwılǵan sánesi | 25 aprel (7-may) 1840 |
|---|---|
| Qaytıs bolǵan sánesi | 25 oktyabr (6-noyabr) 1893 (53 jasta) |
Pyotr IliyichTchaikovskiy (Russha: Пётр Ильич Чайкoвский) (7-May 1840 - 6 Noyabr' 1893) Romantik periodta jasag'an Rus kompozitori bolg'an. Ol rus kompozitorlarinin' en' ataqlisi esaplanadi. Onin' melodiyalari sezimlerge toli; tolqindirarli ha'm dramatik elementlerge bay. Ol Batis Evropa muzikasinan ko'p u'yrendi, lekin onin' muzikalari ju'da' Russha esitiledi. Onin' kompozitsiyalarina 11 opera, 3 balet, orkestr muzikasi, kamera muzikasi ham' 100 den aslam qosiqlar kiredi. Onin' baletleri ("Aq Quw Ko'li", "Shelkunchik" ha'm "Uyqidag'i Suliw") klassik muzikanin' en' belgili namalarin o'z ishine qamtiydi.
Da'slepki jillari
[redaktorlaw | derekti redaktorlaw]Chaikovskiydin' a'kesi rudada islewshi Ukrainali injener edi. Onin' anasinin' atasi Rossiyag'a ko'ship o'tken Frantsuz bolg'an. Anasi tinishsiz hayal bolg'an; Chaikovskiy usinday xarakterdi anasinan alg'an boliwi mu'mkin. Chaikovskiy bes jasinan pianino shertip u'yrene basladi. Ol tez arada o'z oqitiwshisinan da ozip ketti. Onin' sem'yasinda orkestrion (muzika qutisi) bar edi ha'm ol onda Mozart, Bellini, Donizetti ha'm Rossinidin' klassik muzikalarin shertetug'in edi.