Anfafad asenselkim
Anfafad neɣ avirus asenselkam (virus informatique) d ahil. Ahil-a, yezmer ad t-id-yaru umessihel (programmeur). S tiddi n wenfafad-a, tettbeddil tikli tamagnut n uselkim, neɣ a texreb telqut yellan deg-s.
Amek ineṭṭeḍ unfafad? Anfafad ineṭṭeḍ-d seg berra i uselkim (aḍebsi, azeṭṭa), reffden-t wahilen yettwaselkamen (programmes qui s'executent), ahilen iqebblen asiɣzef (extention) .com, .exe neɣ .bat. Acu kan, ass-a llan ivirusen s siziɣzaf nniḍen udiɣ ẓeddmen q€f ifuyla meṛṛa akken yebɣu yella wanaw-is.
Anda ara naf anfafad? Di tsenselkimt, ifuyla (fichiers) bḍan ɣef sin yeḥricen:
- a/ ifuyla n yisefka (fichiers de données), amedya yeḍrisen.
- b/ ifuyla iteddun (fichiers qui s'executent), iqebblen aseɣzef .com, .exe, .bat.
Anfafad ineṭṭeḍ ifuyla iteddun; akken tiddin-nnsen, tgellu-d s tiddin n unfafad yellan deg-sen. Anfafad yezmer ad yeẓẓu deg ugzem usenker (secteur d'amorçage) n uḍebsi aquran (disque dur) neɣ yiḍebsiyen ilwayanen (disques souples, disquettes); akken ma yecɛel uselkim anfafad ad d-yaki. Ifuyla n yisefka ur d-ttawin ara infafaden, maca infafaden zemren ad sdermen isalan yella deg-sen.
Amek yebna unfafad? Ahil n wenfafad yebna ɣef 04 yeḥricen:
- 1/ asulu n unfafad (signature du virus): Asulu n unfafad d takbabt-ines (signature) neɣ d limara-s.
- 2/ ahil n tarrawt (programme de reproduction) : Tal tikelt ara yeddu wahil yuḍnen, uɣur yenṭeḍ wenfafad, aḥric-a ad d-yeddu. D aḥric-a ara d-yafen akk ifuyla ikesben aseɣzef .com, .exe, .bat, i wakken ad asen yefk limar-ines.
- 3/ ahil n usedrem (programme de destruction) : S weḥric-a i d-itekk usexreb i yufuyla yesɛan limara n unfafad.
- 4/ anaḍ n uneggez (instruction de saut): S wehric-a, anfafad ad yuɣal ɣer ufaylu amezwaru ideg yeẓẓa.
Ismawen n kra yinfafaden mechuren:
Vendredi 13: Anfafad-a iteffeɣ-d yal ass n lǧemɛa(ass n Sem) 13.
Datacrime: Anfafad-a iteffeɣ-d seld ass n 12 tuber.
Phantom: Anfafad-a inetted deg tecfawit (mémoire).
Virus 405: Anfafad-a isedram isalan n 405 itamḍanen (octets) imezwura n uḍebsi aquran.
Asuza: Anfafad yettili deg ugzem usenker.
Bloody : Anfafad-a iswaɣay agzem n usenker. Afafad-a iteffeɣ-d deg uwennez (reinitialisation) wis 128. Anfafad-a yettaru-d inez-ayi (message) « Bloody Jun 4 1989 », ass n tnekra deg Tienanmen, Pekin).
Jeddah : Anfafad-a irennu azal n 1475 atamḍan i yifuyla .com, .exe. Anfafad-a yettaččar tacfawit yeddren n unasiw (mémoire tompon du clavier clavier).
Zerohunt : Anfafad-a yettili deg tecfawit, d aḥerbebbu, yettbeddil amḍiq.
AMGELNFAFAD (anti-virus): Amgelnfafad d aseɣẓan (logiciel) i d-yettafen ahilen yuḍnen. D netta itekksen infafaden. Amgelnfafad isizdig ahilen yettwaɣen.
Kra n yimgelnfafaden: Virscan, Fprot, Unvirus, Scan, Pc 180, Virusafe, Norton, Vaccin, Novirus
Kra yiwellihen:
- amesten (protection) mgal tira deg yiḍebsiyen inaṣliyen.
- aḥraz n yifuyla deg yiḍebsiyen iseḥḥan
- asekyed (examiner), ma yella ccek, aḍebsi aquran d yiḍebsiyen ilwayanen.
- amesten n yifuyla yesɛan aseɣzef .com, .exe, .bat, mgal tira.
- ur seqdacet ara iseɣẓanen n wurar (logiciels de jeux) uqbel asiked-nnsen s useɣẓan amgelnfafad.
- urwet i ugagzdem (téléchargement) n wahilen iteddun (executables)
- kkset afaylu command.com seg uẓar. Amek ara nekkes afaylu seg uẓar ?
Ad s-nbeddel isem (amedya com.moc), ad t-neffer deg zzmam nniden (amedya PROTEC) MD PROTEC COPY C:COMMAN.COM C:PROTECCOM.MOC REN COMMAND.COM SAUVCOM.BIN
Ad nernu ɣer ufaylu CONFIG.SYS, taladna(commande) : SHELL=C:PROTECCOMM.MOC /P Ad nernu ɣer ufaylu AUTOEXEC.BAT, taladna: SET COMPEC=C:PROTECCOM.MOC
- aḥraz n yifuyla .com, .exe mgal tira : Ad naru tasekkirt-a (procédure) :
ATTRIB +R *.COM ATTRIB +R *.EXE
Tamselyut
[ẓreg | ẓreg aɣbalu]- Imyura.net Archived 2007-10-23 at the Wayback Machine