Ijider awraɣ
| Ijider awraɣ | |
|---|---|
 | |
| Addad n taggaẓt | |
 Talmest ur tettwaggez (IUCN 3.1) | |
| Tasensartut | |
| Asmil | Aves |
| Tafesna | Accipitriformes |
| Tawacult | Accipitridae |
| Tawsit | Aquila (fr) 
|
| talmest | Aquila chrysaetos Linnaeus, 1758
|
| Taẓuni tarakalt | |
 | |
| Isali amatan | |
| Takura | 3,572 kg d 5,194 kg |
| Tehri | 2,03 m |
Ijider awraɣ (Assaɣ usnan: Aquila chrysaetos) d asekliw yettwassenen yakk deg wezgen n umadal agafaw, akken iga daɣen d talmest meqqren yakk deg ijudar, yeṭṭafar tawacult n iberniyen am telmas n iden deg tewsit-is, Zik nni yella yezdeɣ yakk deg yidgan n ugafa n tegnit maca tura inger deg waṭas n yidgan igra-d kan deg igran d tẓegwa yaggugen (ibeɛden) ɣef yidgan ittwazdaɣen d ifganen ɣas yella-d wannecg-a maca mazal-it yettidir deg waṭas n yidgan seg Asya ar Uruppa d Tefriqt d Tamrikt n Ugafa aladɣa di Kalifurnya
Agmar
[ẓreg | ẓreg aɣbalu]Ijider awraɣ igemmer s ugani ɣef ikacbaren-is imesden d tazla-ynes yeflalen, Umuɣ n tgemrawin-is meqqer acku dges iwtal, Yuzaṭ, inẓiden ula d iburaɣ akk d yemcac
Ijider awraɣ d aɣersiw ayentyuga, ixeddem-d yiwen n unarag (acrik) kan deg teɣzi n tudert-is, yal tayuga tettaṭaf tajumma yettawaṭen ar 155 km anda iy ferren ideg yeflalen i tmuska (lebni) n ugdef i wakken ad issers dges timellalin-is, Deg yal tikkelt ssrusayen yiwet n tmellalt neɣ kuẓ (4)
Aglam
[ẓreg | ẓreg aɣbalu]Ijider awraɣ d aselkiw yuddsen s waṭas, afraw-is d aras, Afriwen-is hraw-it, Teɣzi ynes tettili gar n 70 ar 85 cm ma d afriwen-is seg yiri ar yiri mara ad ldin ttilin seg 185 ar 220 cm, Azuk-is yettili gar n 3,8 ar 6,7 kg i tewtemt yugaren awtem (seg 2,8 ar 4,6 kg i wewtem)
Asismel
[ẓreg | ẓreg aɣbalu]Amusnaw n iɣersiwen n Swid Carl con Linné igelm-d iylalen-a s tugna tusnant i tikkelt tamenzut deg uskar-is anagraw agaman deg useggas n 1758 dgi is-yefka isem n tewsit Falco anda iy ɣil de akken-it n iseflayen, send ma ad s-yales (ad s-iɛawed) umusnaw afṛensis (Mathurin Jacques Brisson) asismel w ad s-yefk isem n tewsit Aquila deg useggas n 1760