Торлопов Станислав Анфимович
| Торлопов Станислав Анфимович | |
| Чужан лун: |
1936-ӧд вося йирым тӧлысь 12-ӧд лун |
|---|---|
| Чужанін: | |
| Кулан кад: |
2015-ӧд вося рака тӧлысь 3-ӧд лун (78 арӧс) |
| Куланін: | |
| Канму: | |
| Мыйся уджыс: | |
| Ошканпасъяс да премияяс: |
  |
Торлопов Станислав Анфимович (1936—2015) — коми серпасалысь.
Олан туй
[вежны | Вежны кодировкаын]Станислав Торлопов чужӧма 1936-ӧд вося йирым тӧлысь 12-ӧд лунӧ Москваын, кӧні сылӧн бать-мамыс вӧліны курсъяс вылын. 1953—1958-ӧд воясӧ велӧдчӧма Костромаса художественнӧй училишӧын. 1958-ӧд восянь олӧ Сыктывкарын, уджалӧ Художественнӧй фондын.
Кулӧма Сыктывкарын 2015-ӧд вося рака тӧлысь 3-ӧд лунӧ;[1], гуалӧма Сыктывкарын жӧ.
Серпасасьӧм
[вежны | Вежны кодировкаын]С.А. Торлопов тшӧкыда серпасаліс Войвыв: Печора да Войвыв Урал, Арктика да Кӧла кӧдж. Тані чужисны пейзажъяс, тані паныдаліс серпасъясыслы да портретъясыслы геройясӧс. 1960—1980-ӧд воясӧ некымынысь ветлӧма геологъяскӧд экспедицияӧ Печора ковтысӧ, Войвыв Уралӧ да Арктикаӧ.
Выль уджъяс чужӧмаӧсь суйӧр сайӧ ветлӧм бӧрын. Аслыспӧлӧсӧн петкӧдчӧма Вьетнам. 1975 да 1976-ӧд воясӧ Вьетнамӧ ветлӧм бӧрын С. А. Торлопов дасьтӧ этюдъяс, портретъяс да серпасъяс чукӧр. Тадзи жӧ чужӧмаӧсь серпас чукӧръяс Литва, Болгария, Польша да Германияӧ ветлӧм бӧрын.
СССР-са серпасалысьяслӧн котырӧ пырысь (1967); Петровскӧй наукаяс да искусствояслӧн академияӧ пырысь.
Сылысь уджъяссӧ видзӧны Третьяков нима канму галереяын да Россияса некымын регионса музеях, Россияса да суйӧрсайса асшӧр коллекцияясын.
Торъя выставкаяс
[вежны | Вежны кодировкаын]Наградаяс
[вежны | Вежны кодировкаын]- Коми АССР-са канму премия босьтысь (1968)
- РСФСР-са нимӧдана серпасалысь (1971)
- Коми АССР-са нимйӧза серпасалысь (1980)
- «Почёт пас» орден (1986)
- Россияса нимйӧза серпасалысь (2006)
Ӧшмӧсъяс
[вежны | Вежны кодировкаын]- ARTRU.INFO сайт
- [1] Щербинина М. Станислав Торлопов: «Истина открывается не сразу» // «Республика» газет, 2014 во, рака тӧлысь 13-ӧд лун, 26-ӧд № (рочӧн)
- В Коми скончался народный художник России Станислав Торлопов // «Комиинформ» сайт (2015.03.03; рочӧн)