Gluthyans

Process fisegel, steroniethel ha meteorogiethel ew gluthyans pan vo'n gass ethen dowr ow treylya dhe furv linyel dowr, woja drehedhes an poynt gluth. Gwelys ew gluthyans avel kloud, dell ew usys. Hebm a hwer pan vo'n tempredh ow kodha. Ema teyr skila rag hebma:

• pan vo ayr tobm owth omsevel en telleryow tobm.
• pan vo res dhe ayr omsevel dres menedhyow.
• pan vo ayr tobm owth omsevel ryb front kewer.

Dell ew usys, ema othem dhe vadnaow dowr a berthyglow pur vunys rag furvya e’n ayrgylgh. Radn essensek an diwysyans distyllya ew gluthyans. Nebes bestes a gebmer us a luthyans. Hwiles e’n Difeythtir Namib a sev owth enebi an gwens. Ema dowr ow klutha war aga korfow, hag anjei a ell y eva woja hedna. Kudyn ew gluthyans a-ji dhe derevyans. Ev a ell kawsya glybor ha breynder.

• 
  Kloudys cumulus en Ukrayn
• 
  Gluthyans war veister yeyn
• 
  Hwilen e’n Difeythtir Namib
• 
  Kloud dres menedh pan vo res dhe’n ayr omsevel
• 
  Distyllva hwiski Talisker war Enys Skye en Alban

Ma an erthygel ma usya an Furv Skrifys Savonek a-barth Kernowek diwedhes.