Тиса
Тиса (венгрче Tisza, сербче Tisa) – Борбордук Европадагы дарыя. Дунайдын эң узун (966 км) сол куймасы. Алабынын аянты 157 миң км2ден ашуун. Чыгыш Карпат тоолорунан башталып, көбүнчө Орто Дунай түздүгү менен агат. Ири куймалары: Боржава, Бодрог (оң), Сомеш, Кёрёш, Муреш (сол). Орточо чыгымы 810 м3/сек. Жазында кирет. Башына чейин кеме жүрөт. Сугатка кеңири пайдаланылат. ГЭС курулган. Боюнда Рахов (Украина), Сигету-Мармацией (Румыния), Сегед (Венгрия) ж. б. шаарлар жайгашкан.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9