Imperator Lapidis Nephritici

Imperator Lapidis Nephritici in tabula atramenti et serici Domus Ming saeculo sexto decimo picta.

Imperator Lapidis Nephritici (Mandarinice 玉皇, pinyin Yù Huáng vel 玉帝 Yù Dì) in cultura, religionibus a maioribus posteris traditis, mythologiaque Sinicis est una ex imaginibus divinitatis primordialis (太帝 tài dì 'primi dei'). Quae in theologia Taoistica est Yuanshi Tianzun, unus e Tribus Puritatibus, tribus primordialibus Tao speciebus. Quae praeterea in Caodaismo est Cao Đài ('Maxima Potestas'), Ngọc Hoàng Thượng đế appellata. In cosmologia Buddhistica cum Śakra comparatur. In mythologia Coreana, Hwanin noscitur.

Thni Kong Tnua, in Air Itam ad Penang Malaesiae, ad Imperatorem Lapidis Nephritici colendum aedificatum est.

Ritus Imperatoris Lapidis Nephritici apud Templum Yuzun in Sanxing, Yilan Comitatu Taivaniae, in natali Imperatoris Lapidis Nephritici die.

Yuk Wong Po Tin in A Kung Ngam Hongcongi.

Imperator Lapidis Nephritici multis nominibus appellatur, inter quae Avus Caelestis (Mandarinice 天公 Tiān Gōng, quod primum significavit 'Ducem Caelestem', nomen a plebe adhibitum), Dominus Lapidis Nephritici, Maximus Imperator, ac Magnus Lapidis Nephritici Imperator (玉皇上帝 Yu Huang Shangdi vel 玉皇大帝 Yu Huang Dadi).

In mythologia Sinica sunt multae fabulae de Imperatore Lapidis Nephritici. De eius origine dicebatur heres regis esse regni Felicitatis Purae et Luminum Ornamentorumque Augustorum et Caelestium. Recens natus mirabilem lucem emittebat, omnem regnum illuminans. Puer benignus, intellegens, sapiens, se ad egentes adiuvandos dedidit.

Nexus interni

• Lapis nephriticus
• Liber mutationum
• Nephrites
• Qi

Bibliographia

• Bellinger, G. J. 2001. Knaurs Lexikon der Mythologie. Augustae Vindelicorum: Weltbild. ISBN 3828941540.
• Blunden, C., et M. Elvin. 1985. Weltatlas der alten Kulturen: China. Ed. 2a. Monaci: Christian Verlag. ISBN 3884720910.
• Cavendish, R., et T. O. Ling. 1981. Mythologie: Eine illustrierte Weltgeschichte des mythisch-religiösen Denkens. Christian Verlag. ISBN 3884720619.
• Comte, F. 2008. Mythen der Welt. Darmstadii: WBG. ISBN 9783534208630.
• Tworuschka, Monika, et U. Tworuschka, eds. 1992. Religionen der Welt in Geschichte und Gegenwart. Gütersloh: Bertelsmann.
• Yang Yang. 1995. Die Entstehung der chinesischen Jadekultur. In Das alte China: Menschen und Götter im Reich der Mitte. Ausstellungskatalog der Kulturstiftung Ruhr Essen. ISBN 3777466409.

Nexus externi

Vicimedia Communia plura habent quae ad Imperatorm Lapidis Nephritici spectant.