Strumphi

Strumphi statua Bruxellis

Strumphī (Anglice the Smurfs; Francice les Schtroumpfs; Nederlandice de Smurfen; Theodisce die Schlümpfe; Italice i puffi), vel Strumpfi, est commerciale negotium Belgicum quod fictionalem parvorum caeruleorum animalium hominum similium coloniam in domibus fungiformibus in silva habitantium tractat. Quod negotium ortum est ex serie librorum nubeculatorum a Peyo, artifice Belgico (vero nomine Petro Culliford), excogitata, qui fabulam horum homunculorum narrant.

Plerique Strumfī bracas pileum album gerunt. Maximus Strumfī rubrum petasum gerit. Omnes Strumfī nomina habent. Cuique Strumfō est nomen quod Strumfum ad gravissimam qualitatem suam iungit; exempli gratia, Perspicillum (perspicillum gerit) et Musica (musicam canit). Strumfī interdum dicuntur circiter tria mala alti esse. Hoc vero est male translatum ad verbum e sermone Francogallico: secundum imagines, strumphus vix mure altior est.

Initium Strumforum

Strumfī in viridario delectationis Ancyrae

Vader Abraham musicus Batavicus cum Strumfī cantans, 1983

Strumfī primitus anno 1958 apparuerunt in volumine seriei librorum nubeculatorum Francice Johan et Pirlouit vocatae, cui erat titulus La flûte à six Schtroumpfs ('Tibia cum sex Strumfis'). Mox fabulae de Strumfis in propria serie librorum narrantur. Postea etiam series televisifica creata est a societate Hannah-Barbera, quae in toto fere orbe videbatur. +

Lingua Strumforum

Strumfī in Insula visionum, hortis voluptariis Moscuensibus

In libris, Strumfī insigni lingua loquuntur. Substituunt verba Strumfus sive Strumfare pro nonnullis verbis. Primo, etiam nomen plurimorum Strumforum erat simpliciter Strumfus. Ut fabulae facilius intelligentur autem, ea lingua haud semper, et in serie televisifica raro, loquuntur, et Strumfis nomina propria dabantur (vide infra).

Peyo verbum Strumfus excogitavit dum cenaret cum Andrea Franquin collega eius. Vocabulum sal non reminiscens, ait: "Passe-moi le schtroumpf" (Da mihi strumphum).

Index personarum ficticiarum

Gargamella inimicus Strumfīs malum minaturus

Strumfī in narratione et in cinematographia

• Maximus Strumphus / Magnus Strumphus
• Strumphula
• Strumphus cum perspicillo
• Strumphus stultus
• Strumphus inventor
• Strumphus nervosus
• Strumphus gulosus
• Strumphus magirus
• Strumphus lepidus / Strumphus vanus
• Strumphus morosus
• Strumphus faber
• Strumphus ioculator
• Strumphus poëta
• Strumphus musicus
• Strumphus agricola
• Strumphus ignavus / Strumphus somniculosus
• Strumphus sartor
• Infans Strumphus
• Strumphus naturalis
• Strumphus iracundus / Strumphus elegans
• Strumphus inconditus
• Calcula
• Avus Strumphus
• Strumphus mechanicus
• Strumphula mechanica
• Strumphus indomitus
• Avia Strumphus
• Centesimus Strumphus / Strumphus repulsus
• Strumphus cum odorato
• Strumphus spurcus
• Strumphus pavidus
• Strumphus gratiosus
• Strumphus algidus
• Strumphus gracilis
• Strumphus litigiosus
• Strumphus lanatus
• Strumphus fossor
• Strumphus verecundus / Strumphus histrio
• Strumphus ploratur
• Strumphus scultor / Strumphus architectus
• Strumphus caminarius
• Strumphus lignator
• Strumphus Marco
• Strumphus neglegens
• Don Smurfo
• Strumphus nullus
• Strumphus aemulus
• Doctor Strumphus
• Strumphus curiosus
• Strumphus diurnarius
• Strumphus editoris

Amici

• Fata Clo-clo
• Gerardus
• Mater Natura
• Mater Pegasi
• Morena
• Pater Tempus

Hostes

• Gargamella
• Azrael

Vita Strumforum et Gargamellae

Strumfī Terram Strumforum colunt, in vico secreto, nisi solum Strumfis notam. Vivunt in domibus fungiformibus. In libris seriei Johan et Pirlouit, ea terra "Terram Maledictam" vocatur, quae longe abest a terra hominum, et fere vacua animalibus et herbis. In alteris libris et in serie televisifica, vicus Strumforum est in media silva, ubi quoque magus Gargamella et Azrael feles eius vivunt. Ille Strumfos petit ad potionem faciendam, qua velut lapide philosophi metallum in aurum verti potest. In aliis fabulis, Strumfos capere vult, ut eos edat. Et in iam aliis fabulis, Strumfos simpliciter delere vult.

Declarat Strumfos odisse, sed canes latrantes non mordent, et Gargamella Strumfos captare non potest (mirabile visu), nam Strumfī celeriter fugiunt.

Strumfī nunc

Libri de Strumfis in plurimas linguas conversi sunt. Homines res Strumforum possunt emere: pocula, calama, et alias res scholasticas.

Nexus externus

• De Strumfī in Ephemeride