Oseano Pasifiko
El Oseano Pasifiko es el mas grande oseano de la Tierra, el kualo okupa la treséra parte de su superfisie. Esta ekstendido aproksimadamente 15.000 km desde la mar de Bering i enel Oseano Artiko por el nord, asta las beiras yeladas de la mar de Ross en la Antartika por el sud. Su mayor anchura, de unos 19.800 km, esta a los 5 grados de latitud nord, desde Indonesia asta la kosta de Panama. El límito oksidental del oseano es el estrecho de Malaka. El Oseano Pasifiko kontiene unas 25.000 isolas, kaji todas las kualas se ankontran ubikadas al sud de la linea del Ekvador. El Oseano Pasifiko okupa un area de 165.700.000 km2. El punto más basho de la superfisie de la tierra, la Fosa de las Isolas Marianas, está ankontrada enel oseano Pasifiko.
El Oseano Pasifiko esta komunikado kon el Oseano Atlantiko en tres puntos: uno es artifisial el Kanal de Panama, i las otras dos son pazos al sud de Amerika: el Estrecho de Magayanes i el Pasaje de Drake.
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.