Aad Egypte
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Aad Egypte waas 'n besjaving die róndj 3300 v.Chr. is óntstange langs de Niel. Dees besjaving góng pas in 332 v.Chr. t'n ónger, nao de vereuvering van Egypte door Alexander de Groeate. d'n Essentiële factor in 't euverlaeve vanne besjaving waas de irrigatie van e landjboewgebied rónjelómme Niel. De naodrök loog bieje Egyptenere den ouch veural op 't cyclistisch karakter van 't laeve en neet op 't lineair, wie in Soemerië. Wie gestructureerdj dees maotsjappie waas wuuertj dudelik dore tempels, mastaba's en piramide die dees besjaving haet naogelaote.
Egyptologie is de studie die zich besjeftig mit 't Aad Egypte; de spraok die destieds woort gekaldj hètj 't Egyptisch. Die spraok woort gesjreve mitte Egyptische hiërogliefe.
Bekèndje keuninge (farao's) van Egypte zeen ónger angere Cleopatra VII, Ramses II en Toetanchamon.