Kaukasië

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Kaukasië, döks ouch Kaukasus geneump, is e gebied oppe uterste zuudoeastelike grens van Europa en 't wèste van Azië, 't Gebied ómvatj de bergkitting de Kaukasus enne ómligkendje lieëgvlaakdje. 't Gebied t'n zuje vanne Groeate Kaukasus neump me Transkaukasië ("euvere berg" vanoet Róslandj) en 't gebied t'n naorde daovan hètj Ciskaukasië.

Kaukasië is saer miensekinnen e kruutspuntj van kulture, religies en spraoke. Daonaeve waas 't döks de grens tösse groeate rieken of de invloodssfere daovan. Det haet gelèdj toete hujige ingewikkeldje staotkóndige situaasje enne versjillige (döks gewaopendje) kónflikte. Groeate lenjer die höbbe geperbeerdj 't gebied ónger häör gezag te kriege wore de Sovjet-Unie, 't Ottomaans Riek, 't Perzisch Riek, 't Romeins Riek enne aaj Grieke. Meis lökdje det meh deils; veural inne Groeate Kaukasus höbbe versjillige völker häör eigen identiteit gooddeils kónne behaje.

Gallerie

• 
  Satellietbild.
• 
  Topografische kaart.
• 
  Politische kaart.
• 
  Etnische kaart.