Ahmed Yassin
I Sheikh Ahmed Ismail Hassan Yassin dia mpanao pôlitika sy imam palestiniana izay nanangana ny Hamas, izay fikambanana islamista mpitolona sy nasiônalista palestiniana ao amin' ny Salavantanin' i Gaza tamin' ny 1987. Izy no mpitarika ara-panahy ilay fikambanana taorian' ny nananganana azy. Teraka tamin' ny 1 Janoary 1937 tao tao al-Jura, vohitra kely akaikin' i Ashkelon, izy ary maty tamin' ny 22 Marsa 2004 tao Gaza. Amin' ny teny arabo izy dia atao hoe الشيخ أحمد إسماعيل حسن ياسين.
I Yassin, izay malemy tongotra aman-tanana sady saika jamba, dia tsy afa-misaraka amin' ny seza misy kodiarana noho ny lozam-piarakodia nahazo azy tamin' ny faha-12 taonany. Tamin' ny taona 2004 dia maty votifitry ny balafomanga nalefan' ny helikôptera israeliana izy teo am-pivoahana ny toeram-pivavahana rehefa nahavita ny vavaka mangirandratsy (arabo:صلاة الفجر / ṣalāt al-fajr,) tao Gaza. Nomelohin' ny fianakaviambe iraisam-pirenena ilay fanafihana, izay nahafaty ny mpiambina azy roa lahy sy olona sivy teo an-toerana. Palestiniana 200 000 any ho any no nanatrika ny fandevenana azy tao Gaza.