Bissau
Bissau ye la maior cidade i i capital de la Guiné-Bissau.
La cidade queda ne l stuário de l Riu Geba, na cuosta atlántica. Ye la maior cidade de l paíç, cul maior porto, assi cumo l centro admenistratibo i melitar de la region. Cascaboi lhocalmente chamado de mancarra, madeira, coco, ólio de palmeira, i borraixa son ls pordutos percipales porduzidos an Bissau. Fundada an 1687 puls pertueses, tornou-se un porto forteficado i centro de quemércio. An 1942 tornou-se capital de la Guiné Pertuesa, mas fui sustituída por Madina de l Boé an 1973-1974. La cidade ten populaçon stimada an 322.392 habitantes (dados oufeciales hai pouco), cun ua ária de 77 kn², l que corresponde a 4.187 hab/km².
Bissau ye tamien la capital de l setor outónomo de Bissau.
La cidade ye coincida pul sou Antruido anual. Outras atraçones ancluen la Fortaleza d’Amura, cuntenendo l mausoléu de Amílcar Cabral (lhíder nacionalista que ajudou a fundar l Partido Africano pula Andependéncia de la Guiné i Cabo Berde – PAIGC), l menumiento de l Memorial Pidjiguiti pa ls pescadores i barqueiros muortos na Grebe de las Docas de la Guiné-Bissau an 3 de Agosto de 1959, i tamien l Anstituto Nacional de Artes de la Guiné-Bissau. Ancóntran-se tamien l Nuobo Stádio de la Guiné-Bissau i bárias praias de grande beleza más afastadas. Bários de ls sous eidifícios fúrun arruinados durante la guerra cebil, ancluindo l Palácio Persidencial i l Centro de Cultura Francesa de la Guiné-Bissau.
La cidade ampeçou ne ls redadeiros anhos a spurmentar nuobas anfrastruturas modernas cumo la nuoba assemblé de l pobo, la nuoba puonte Amilcar Cabral, la nuoba sede de Banco de ls Stados de la África de Oeste, antre outros...
L aeroporto que sirbe Bissau ye l Aeroporto Anternacional Osbaldo Bieira.