Jacó V de Scócia
Jacó V (10 d'abril de 1512 - 14 de dezembre de 1542) fui rei de la Scócia de 9 de setembre de 1513 até sue muorte an 1542. El fui coronado an 21 de setembre de 1513 cula eidade de dezessete meses. Jacó era filho de l rei Jacó IV i Margarida Tudor , i durante sue anfáncia la Scócia fui gobernada por regentes , purmeiro por sue mai até qu'eilha se casasse outra beç, i depuis por sou primo an segundo grau, John, Duque de Albany . L gobierno pessonal de Jacó ampeçou an 1528, quando el finalmente scapou de la custódie de sou padrasto, Archibald Douglas, conde de Angus . Sue purmeira açon fui silar Angus i cunfiscar las tierras de ls Douglases . Jacó V fui çcrito cumo un rei bingatibo, cujas políticas fúrun amplamente motibadas pula busca de riqueza i un medo paranóico de sue nobreza que lhebou a l'apropiaçon amplacable de sues tierras. El tamien fui caratelizado cumo l "rei de ls pobres", debido a la sue acessibelidade als pobres i a la sue atuaçon contra sous oupressores. James morriu an dezembre de 1542 passado la derrota scocesa na Batailha de Solway Moss . Sue única filha lhegítima subrebibente, Marie , l sucediu cun solo seis dies d'eidade.