Tarramute
Artícule scritte 'n
sud-laziale/cominése
Ne tarramute (AFI: /tarːa'muːtə/) è na trettéteca veloce é cchiù o méne fòrte de la cròšta terrèštra ch'arriva a la mbrevvisa. Ne vè da gle spuštamènde de ndrasatte de la massa pretosa che šta sottetèrra. Sse spuštamènde fa scì n'energía dénd'a na zzòna de la Tèrra chiamata ipeciéndre, ch'è gle punde cchiù prefunne andó z'è spaccata la ròccia. Da quište ze críane na sèrie d'onne elášteche, chiamate onne sísmeche, che cúrrene da tutte le parte facènnese sendì pure ngòpp'a la Tèrra. Mméce cchiù ngima z'è criata quélle che ze chiama crètta.
Gle pòšte ngòpp'a la Tèrra che ze tròva ritte ritte ngim'a gl'ipeciéndre ze chiama piciéndre.
Gle rame e la giufíseca che študia sse fenòmene è la sismeleggía.
Fave ne muare tarramute ogne juorne (cchiù o méne ciéndemila a gl'anne), ma de la cchiupparte nen ze n'accòrie nesciune ca suó truoppe débbele.
Uríggene e gle nome
[cagna | cagna surgente]Ne vè da le latine terrae motus, ch'ò dice "scutrata de la tèrra".
Variande dialettale cominése
[cagna | cagna surgente]- tarramute (Aluite, Galleniare);
- tèrramúte /tεrːa'muːtə/ (Sande Renate);
- tuarramute /twarːa'muːtə/ (Atini).
Scale
[cagna | cagna surgente]Fra le scale addeprate pe ammeserà la fòrza de ne tarramute, ze puonne mendevà:
- la scala Rossi-Forel (scritta RF) ;
- la scala Medvedev-Sponheuer-Karnik (scritta pur MSK) ;
- la scala de Mercalli (scritta MM dénd'a la verzione cagnata) ;
- la scala Shindo de l'aggenzía meteorelòggeca giappunése ;
- la scala macresísmica aurepéa (scritta EMS98).
Gle tarramute cchiù ruosse e gle XX é de gle XXI sècule
[cagna | cagna surgente]
Classífeca basata pebbía de la magnetude:
- Valdivia, Cile - magnetude 9,5 - 22 maje 1960
- Štritte e Prince William, Alaska - magnetude 9,2 - 28 marze 1964
- Sumatra, Indenésia - magnetude 9,1 - 26 deciémbre 2004
- Kamchatka, Russia - magnetude 9,0 - 4 neviémbre 1952
- Sendai, Giappone - magnetude 8,9 - 11 marze 2011
- Pe dellà de la còšta de gl'Équatòre - magnetude 8,8 - 31 jennare 1906
- Tarramute de gle Cile de gle 2010 - magnetude 8,8 - 27 febbrare 2010
- Ísere Rat, Alaska - magnetude 8,7 - 4 febbrare 1965
- Sumatra, Indenésia - magnetude 8,7 - 28 marze 2005
- Haiyuan, Cina - magnetude 8,6 - 16 deciémbre 1920
- Assam, Tibet - magnetude 8,6 - 15 aušte 1950
- Ísere Andreanof, Alaska - magnetude 8,6 - 9 marze 1957
- Reggione de Atacama, Cile - magnetude 8,5 - 11 neviémbre 1922
- Penísera de Kamchatka, Russia - magnetude 8,5 - 3 febbrare 1923
- Muare de Banda, Indenésia - magnetude 8,5 - 1 febbrare 1938
- Ísere Curile, Russia - magnetude 8,5 - 13 ottobbre 1963
- Giacarta, Indenésia - magnetude 8,5 - 12 settiémbre 2007
- Arequipa, Camana, Perù - magnetude 8,4 - 23 giugne 2001
- Cettà de gle Mèsseche, Mèsseche - magnetude 8,3 - 19 settiémbre 1985
- Ica, Perù - magnetude 8,0 - 15 aušte 2007