Frank Hoste
Frank Hoste (* 29. August 1955 in Gent) is en ehmalger belgisch Radrennfohrer.
Frank Hoste weer Profi-Rennfohrer van 1977 bit 1991. Sien gröttste Spood in disse Johren weer de Gewinn vun dat Gröön Trikot bi de Tour de France in dat Johr 1984. Insgesamt 8 Mal hett he an disse Rundfohrt deelnommen un dorbi fiev Deelstrecken wunnen. 1976 harr he all an de Olympisch Spelen deelnommen.
1982 wurr Hoste Belgisch Straatenmeester. He hett aber ok tallriek anner Rennen wunnen, dorünner 1982 bi Gent–Wevelgem un de Veer Daag vun Düünkarken, 1984 den Grand Prix de Wallonie un 1986 den Grooten Pries vun den Kanton Aargau. Todem wunn he Deelstrecken bi de Giro d’Italia un Tour de Suisse.
Nah dat Enn’ vun sien Radsport-Karriere harr Hoste en Fohrradgeschäft. Hüüd arbeit he as Vertreder för utländsch Fohrrad-Firmen un is as Radio-Kommentator tätig.
Literatur
[ännern | Bornkood ännern]- Herman Laitem/Jozef Hamels: De Tricolore Trui 1882-2007. 125 Jaar Belgische Kampioenschappen, Balegem 2008, S. 197.