Sigmund Hein

Sigmund Hein (* 6. Februar 1868 in Freiwaldau; † 16. Dezember 1945 in Wien) weer en öösterrieksch Lepidopteroloog.

Leven

Sigmund Hein, 1868 in Freiwaldau boren, wurr, nahdem he de Kadettenschool in Liebenau afslooten harr, Beropsoffizier in de K.u.k. Armee. 1905 wurr he to’n Hauptmann befördert un nah den Eersten Weltkrieg as Oberst in den Ruhestand versett. He hett sück denn in Linz daal laaten, wo he as Vörsitter vun de „entomologischen Arbeitsgemeinschaft“ tätig weer. Sigmund Hein is 1945 in dat Öller vun 77 Johren in Wien storven.

Wirken

Wesseln Garnisonen wiels sien Militärloopbahn, as etwa de in Sandschak Novi Pazar, Graz, Marburg an der Drau, Görz, Imst, Jungbunzlau, Cavalese oder Olmütz hemm hüm dat mögelk maak, ut de verscheedenst Regionen vun de öösterrieksch-ungarsch Monarkie en riek Kollektschoon vun Bottervagels tosommentodragen. Dorneben bedreev Hein spoodriek de Uptucht vun Bottervagels. Sien besünner Interesse gull den Geometriden (Spannern) un hier de Gattung Eupithecia.

Warken

• Upsatz in: Jahresbericht des Wiener Entomologischen Vereins 22, 1911;
• Upsätze in: Zeitschrift des österreichischen Entomologischen Vereins 5, 1920, 11, 1926, 13, 1928, 14, 1929, 18, 1933, 20, 1935 un 21, 1936;

Literatur

• Zeitschrift der Wiener entomologischen Gesellschaft 30, 1945, S. 59-61, mit Warksverteeken;
• Oberösterreichischer Musealverein 93, S. 104 f. Mit Warksverteeken;
• Biografie In: Österreichisches Biographisches Lexikon 1815–1950 (ÖBL). Band 2, Verlag der Österreichischen Akademie der Wissenschaften, Wien 1959, S. 246.