Süüd-Dakota

Süüd-Dakota (South-Dakota) is en Bundsstaat vun de USA. He hett 781.919 Inwahners (Stand 2004) op en Rebeet vun 199.905 km². Dat sünd 3,5 Inwahners /km². De Hööftstadt is Pierre. In Süüd-Dakota gifft dat verscheden Reservaten vun Indianers, besunners vun de Lakota. Nah Alaska, Oklahoma un Nee Mexiko is Süüd-Dakota de US-Bundsstaat mit den hööchsten Andeel (8,9 %) vun Indianers.

Historie

Süüd-Dakota weer vun’n 2. November 1889 af an as 40. Bundsstaat Deel vun de USA.

Geographie

In'n Westen vun dat Land liggt de Black Hills, in'n Oosten dorvun sund de Badlands. Süüd-Dakota is en vun de Prärie-Staaten vun de USA.

Universitäten

In Süüd-Dakota gifft dat sess Universitäten: De South Dakota State University in Brookings, de University of South Dakota in Vermillion, de Northern State University in Aberdeen (Süüd-Dakota), de School of Mines and Technology in Rapid City, de Black Hills State University in Spearfish un de Dakota State University in Madison.