Øyer kommune

	Øyer kommune
	kommune
	Kommunevåpen
	Kommunevåpen
Land	Noreg
Fylke	Innlandet
Adm.senter	Tingberg
Areal	640 km²
• land	621 km²
• vatn	19 km²
Folketal	5 124 (1. januar 2024)
Målform	nøytral
Ordførar	Jon Halvor Midtmagerli (Sp)
Kommunenr.	3440
	; Øyer; 61°15′55″N 10°24′48″E / 61.265277777778°N 10.413333333333°E
	Kart som viser Øyer kommune. Kart som viser Øyer kommune.
	Wikimedia Commons: Øyer
	Nettstad: www.oyer.kommune.no

Øyer er ein kommune i Innlandet fylke. Han grensar til Ringebu i nord, Stor-Elvdal i aust, Ringsaker og Lillehammer i sør, og Gausdal i vest. Kommunen omfattar to sokn, Øyer og Tretten, og administrasjonssenteret ligg på Tingberg. Totalarealet er ca. 640 km² av dette er rundt 20 km² vatn.^[1]

Namn og symbol

Namnet Øyer er ei skriftform av 'øy' i tydinga 'låglende ved vatn'. Vatnet det er snakk om må då vera Gudbrandsdalslågen.^[2] Kommunevåpenet viser «På grønn bunn en sølv hærder», det vil seia ein trering som tidlegare blei brukt til å setja fast tau rundt lass eller bører.^[1]

Geografi

Øyer har tradisjonelt vore ein jord- og skogbrukskommune. Jordbruksarealet er på rundt 32 000 daa, produktivt skogareal på rundt 163 000 daa og utmarksarealet rundt 360 000 daa. Det er om lag 180 gardsbruk i drift i kommunen som til saman har 1 200 mjølkekyr, 350 ammekyr og om lag 8 000 sauer og lam på beite om sommaren. Øyer har òg ein viss svineproduksjon, og kommunen har nav i ein purkering og i ein teststasjon for storfe.^[1]

I Øyer har fjellet lenge vore viktig, også som jordbruksområde. På 1960-talet dyrka ein opp store område på fjellet, og i dag ligg ein tredjedel av all dyrka mark her. Store delar av området er statsallmenning, det vil seie at staten er grunneigar medan bruken blir administrert av fjellstyret.^[1]

Gudbrandsdalslågen er rekna som ei god fiskeelv. Lågen og tilførande elvar kan medføra flaumfare, og ein storflaum i 1995 skapte store øydeleggingar i Tretten. I mai 2013 truga ein ny flaum, men kommunen kom frå han utan større skader.^[3]

Reiseliv og fritid

Førebuingane til OL på Lillehammer i 1994 førte til kraftig utbygging fjellet for reiselivsutbygginga. Ved Hafjell Alpinsenter finst hotell, leilegheiter, storhytter og mange nye private hytter.^[1] Nord for alpinsenteret ligg golfbanen Hafjell Golf med ni hol.^[4] Det finst likevel også mange urørte fjellområde i kommunen.^[5]

Det finst idrettsanlegg både i Øyer og på Tretten og ein idrettshall på Tretten, og fleire lysløyper her: Ved Tretten idrettshall, i Musdal som også er skiskyttarløype, på Granrudmoen og på Lisetra.^[1]

Verdt å sjå i Øyer

Folk frå Øyer

Johannes Skar (1837–1914), folklorist, lærar

Fotnotar

↑ ^1,0 ^1,1 ^1,2 ^1,3 ^1,4 ^1,5 «Om Øyer» Arkivert 2013-12-28 ved Wayback Machine. ved oyer.kommune.no.
↑ «Om Øyer» Arkivert 2013-12-28 ved Wayback Machine. ved oyer.kommune.no, som oppgav Norsk stadnamnleksikon.
↑ «Om flommen» Arkivert 2013-12-28 ved Wayback Machine., oyer.kommune.no; «E6 i Øyer bestod flomtesten»^{[daud lenkje]}, vegvesen.no
↑ http://www.hafjellgolf.no/
↑ «Severdigheter» Arkivert 2013-12-28 ved Wayback Machine., oyer.kommune.no

Bakgrunnsstoff

Offisiell nettstad

[Om-1] 1,0 ^1,1 ^1,2 ^1,3 ^1,4 ^1,5 «Om Øyer» Arkivert 2013-12-28 ved Wayback Machine. ved oyer.kommune.no.

[2] «Om Øyer» Arkivert 2013-12-28 ved Wayback Machine. ved oyer.kommune.no, som oppgav Norsk stadnamnleksikon.

[3] «Om flommen» Arkivert 2013-12-28 ved Wayback Machine., oyer.kommune.no; «E6 i Øyer bestod flomtesten»^{[daud lenkje]}, vegvesen.no

[4] ttp://www.hafjellgolf.no/

[Se-5] «Severdigheter» Arkivert 2013-12-28 ved Wayback Machine., oyer.kommune.no

[1]

[2]

[3]

[4]

[5]