Henrik Møllgaard

Henrik Møllgaard
Statsborgarskap	Kongeriket Danmark
Fødd	2. januar 1985 (40 år) Bramming
Idrett	handball
Tok del i	Sommar-OL 2016, Handball-VM 2019 for menn, Handball under Sommar-OL 2016 – Menn, Handball under Sommar-OL 2020 – Menn

Henrik Møllgaard Jensen (fødd 2. januar 1985) er ein dansk handballspelar. Perioden 2016-24 vart han to gongar olympisk meister og tre gongar verdsmeister med Danmark sitt landslag. Han er venstre rykkromspelar og kan vere spelstyrar, men er særleg kjent som ein framifrå forsvarsspelar.

Karriere

Klubbspel

Møllgaard var aktiv for Kolding IF frå 2005 til 2009. Deretter spelte han på Aalborg HB sitt lag i tida 2009-12. Sidan var han Skjern-spelar i tre sesongar og like lenge, 2015-18, gjorde han teneste i franske Paris Saint-Germain. Med Skjern vart han cupmeister i 2013 og med Paris Saint-Germain seriemeister alle tre sesongane, samt cupmeister i 2018. Sommaren 2018 flytta han tilbake Aalborg HB. Med Aalborg vart Møllgaard cupmeister i 2018 og seriemeister i 2019, 2020, 2021 og 2024.

Landslagsspel

Møllgaard fekk sin landslagsdebut i juni 2006. I tida 2013-24 var han med på å vinne tre VM-gull, to OL-gull, OL-sølv, VM-sølv, to EM-sølv og ein EM-bronse. Under Handball-EM 2016 vart han kåra til meisterskapens beste forsvarsspelar, endå om Danmark då ikkje lukkast vinne medalje. Sommaren 2016 vann han gull for Danmark under Sommar-OL i Rio de Janeiro. Sidan fekk han gull i tre verdsmeisterskap på rad: 2019, 2021 og 2023. I Sommar-OL 2024 i Paris vart han olympisk meister for Danmark for andre gong. Møllgaard har delteke i over 220 landskampar.

Merittar

• Handball-EM 2014 for menn: Sølvmedalje, etter tap 19–35 for Spania
• Handball-VM 2015 for menn: Sølvmedalje, etter tap 32–41 for Frankrike
• Sommar-OL 2016: Gullmedalje, 28–26 mot Frankrike
• Handball-VM 2019 for menn: Gullmedalje, 31–22 over Noreg
• Handball-VM 2021 for menn: Gullmedalje, 26–24 mot Sverige
• Sommar-OL i 2021: Sølvmedalje, 23–25 mot Frankrike
• Handball-EM 2022 for menn: Bronsemedalje, 35–32 etter ekstraomgangar mot Frankrike
• Handball-VM 2023 for menn: Gullmedalje, 34–29 over Frankrike
• Handball-EM 2020 for menn: Sølvmedalje, 31–33 etter ekstraomgangar mot Frankrike
• Sommar-OL 2024: Gullmedalje, 39–26 over Tyskland

Kjelder

• Denne artikkelen bygger på «Henrik Möllgaard» frå Wikipedia på tysk, den 13. august 2024.