Kurt Thomas

Kurt Thomas
Statsborgarskap	USA
Fødd	29. mars 1956 Hollywood
Død	5. juni 2020 (64 år) Texas
Idrett	turn
Tok del i	Sommar-OL 1976

Kurt Bilteaux Thomas (29. mars 1956–5. juni 2020) var ein USA-amerikansk turnar frå Miami. Han var den fyrste frå USA som vart verdsmeister i turn.

Thomas vann gullmedaljen i frittståande under Turn-VM 1978 i Strasbourg, etter han vart nummer 6 i mangekampen. Høgdepunktet kom året etter då Turn-VM 1979 fann stad i Fort Worth i Texas. Her kom han sølvplassen i mangekampen, einast Aleksandr Ditjatin frå Sovjetunionen sanka fleire poeng. Samstundes bidrog Thomas sterkt til at USA fekk bronse i lagtevlinga. Han vann så gullmedaljen i svingstang og i frittståande, i den siste øvinga delte han sigeren med Roland Brückner frå Aust-Tyskland. På bøylehest og i skranke vann Thomas to sølvmedaljar. Etter USA boikotta Sommar-OL 1980 la han opp.

Kjelder

• Denne artikkelen bygger på «Kurt Thomas (gymnast)» frå Wikipedia på engelsk, den 23. januar 2024.