Lara Gut-Behrami

Lara Gut-Behrami
Statsborgarskap	Sveits, Liechtenstein
Fødd	27. april 1991 (33 år) Sorengo
Idrett	alpint
Tok del i	Alpint under Vinter-OL 2014 – Utfor kvinner
Utmerkingar	Årets idrettsutøvar i Sveits

Lara Gut (fødd 27. april 1991) er ein sveitsisk skirennar frå Comano i kantonen Ticino. Ho vann to sølvmedaljar under VM i alpint 2009 og fekk sitt tredje VM-sølv i Schladming i 2013. Under vinter-OL 2014 tok ho bronsmedaljen i utfotrennet.

Aktiv

Gut er best i øvingane utfor og super-G. Ho vart tidleg rekna for å vere eit av dei største alpintalenta nokon gong. I 2007 vart ho sveitsisk mester i super-G, knapt 16 år gammal.

Lara Gut i 2014 etter å ha vunne OL-bronse i utfor.

Ho debuterte i verdscupen i alpint 28. desember 2007 i eit storslalåmrenn i Lienz. 2. februar 2008 i St. Moritz kom ho i sitt første utforrenn i verdscupen på tredjeplass. Sesongen etter, den 20. desember 2008, vann ho sitt første verdscuprenn då ho gjekk til topps i super-G-rennet i Haus im Ennstal, framom landsmannen Fabienne Suter.

I verdsmeisterskapen i alpint 2009 i Val-d'Isère vann Gut to sølvmedaljar. I utfortevlinga vart ho berre slått av Lindsey Vonn, medan ho i den alpine kombinasjonen vart overgått av Kathrin Zettel frå Austerrike. Sist i september 2009 skadde ho seg under trening i Saas-Fee og deltok ikkje i alpinløypene i OL-sesongen 2010.

På nyåret 2011 tok Gut sin andre siger i verdscupen då ho vann eit super-G-renn i Zauchensee. Under VM i alpint 2011 i Garmisch-Partenkirchen kom ho på fjerdeplass både i utfor og i super-G. Ho gjorde sin beste sesong i totalverdscupen då ho kom på tiandeplassen, som beste sveitsiske kvinnelege utøvar.

Den 5. februar 2013 tok Gut sølvmedaljen i super-G-tevlinga, opningsrennet i ski-VM i alpint i Schladming. Ho vart slått av Tina Maze frå Slovenia med 0,38 sekundar. I 2014 vann ho bronsemedalje i utfor under OL i Sotsji.

Verdscupsigrar

Dato	Stad	Øving
20. desember 2008	Austerrike Haus im Ennstal	Super-G
9. januar 2011	Austerrike Altenmarkt-Zauchensee	Super-G
14. desember 2012	Frankrike Val-d'Isère	Utfor

OL-resultat

År	Alder	Slalåm	Stor-   slalåm	Super-G	Utfor	Kombinert
2010	18	skadd, deltok ikkje
2014	22	—	9	4	3	DNF2

Bakgrunnsstoff

Commons har multimedium som gjeld: Lara Gut-Behrami

• (en) Lara Gut-Behrami – Profil og resultatoversikt hos FIS
• Lara Gut si heimeside