Nadzeja Ostaptsjuk

Nadzeja Ostaptsjuk
Statsborgarskap	Belarus
Fødd	28. oktober 1980 (44 år) Vialikija Arly
Idrett	friidrett
Tok del i	Sommar-OL 2012, Sommar-OL 2008, Sommar-OL 2004

Nadzeja Ostaptsjuk (fødd 12. oktober 1980) er ein kviterussisk tidlegare friidrettsutøvar frå Stolin-distriktet i det sørvestlege Kviterussland. Ho tok gullmedaljen i kuletevlinga ved friidretts-VM 2005 og vart europameister i kulestøyt i 2010. I 2014 vart ho frådømd VM-gullet 2005.

Aktiv

Ostaptsjuk tok steget opp i verdseliten i kulestøyt allereie då ho var 20 år gammal. Ho tok si fyrste internasjonale medalje under VM 2003, ein sølvmedalje. Året etter vart ho nummer fire i kule då tevlinga fann stad på historisk grunn i Hellas.

Med eit bestestøyt på 20,51 m vann Ostapsjuk kuletevlinga i verdsmeisterskapen i Helsinki i 2005, heile 87 m framom Olga Rjabinkina frå Russland, men resultatet altså annullert i 2014. Også ein sølvmedalje frå EM 2006, der ho hamna centimeteren bak vinnaren, vart annullert i 2014, basert på at ho skulle ha vore utestengd frå 2005.

Under VM 2007 i Osaka landa kula til Ostapsjuk på 20,48 m, seks små cm bak gullstøytet til Valerie Vili frå New Zealand. Etter å ha teke bronse i OL 2008 (annullert i 2017) deltok Ostaptsjuk lite i store internasjonale stemne i 2009. I 2010-sesongen støytte ho 21,70 m innandørs i Mahiljow og ho vann også innnandørs-VM. Utover i sesongen vann ho alle seks kuletevlingane i Diamond League-stemna og var heilt suveren i europameisterskapen i Barcelona. Året etter kom ho på sølvplassen under VM 2011, men var over meteren bak Valerie Vili.

Ostapsjuk sette personleg rekord med 21,58 meter i eit stemne i Minsk i juli 2012. Nokre veker seinare kleiv ho til topps på sigerspallen under Sommar-OL i London, men der viste det seg straks at ho var dopa.

Doping

Urinprøva til Ostapsjuk under London-OL 2012 viste spor etter dopingmiddel, og ho vart fråteken gullmedaljen. I 2014 vart hennar medaljeprestasjonar frå 2005 og 2006 annullerte og 2017 annullerte den internasjonale olympiske komite OL-medaljen frå 2008.

Medaljar og plasseringar i internasjonale meisterskap

• VM 1999 i Sevilla: Utslått i kvalifiseringa (17,47 m =nr 19)
• VM 2001 i Edmonton: Nr 7 – 18,98 m
• EM 2002 i München: Nr 5 – 19,07 m
• VM 2003 i Paris: Sølv – 20,12 m, bakom Svetlana Kriveljova (20,63 m)
• OL 2004 i Aten: Nr 4 – 19,01 m
• VM 2005 i Helsinki: Gull – 20,51 m (annullert 2014)
• EM 2006 i Göteborg: Sølv – 19,42 m (annullert 2014)
• VM 2007 i Osaka: Sølv – 20,48 m, bakom Valerie Vili (20,54 m)
• OL 2008 i Beijing: Bronse – 19,86 m (annullert 2017)
• EM 2010 i Barcelona: Gull – 20,48 m, framom Natallja Mikhnevitsj (19,53 m)
• VM 2011 i Daegu: Sølv – 20,05 m, bakom Valerie Adams (21,24 m)
• OL 2012 i London: Diskvalifisert (20,76 m = gull)

Kjelder

• Denne artikkelen bygger på «Nadzeya Ostapchuk» frå Wikipedia på engelsk, den 5. juli 2017.
• Denne artikkelen bygger på «Nadseja Astaptschuk» frå Wikipedia på tysk, den 5. juli 2017.