Nils J. Melhus

Nils J. Melhus
Fødd	11. mars 1839 Melhus kommune
Død	28. februar 1912 (72 år)
Statsborgar av	Noreg
Yrke	politikar, bonde
Alle verv	stortingsrepresentant (1883–1885) vararepresentant til Stortinget (1877–1879) vararepresentant til Stortinget (1880–1882) stortingsrepresentant (1889–1891)

Nils Jensson Melhus (11. mars 1839–28. februar 1912) var ein gardbrukar og stortingsmann frå Melhus i Sør-Trøndelag.

Melhus var gardbrukar på farsgarden Melhus i Melhus sokn. Han var i om lag 20 år ordførar i heradet og forlikskommissær i om kring 25 år. I tillegg hadde han fleire offentlege verv på amtsnivå, mellom anna var han medlem av tilsynskomiteen for Trondheim-Tynsetbanen.

Han var 2. representant på Stortinget frå Søndre Trondhjems amt i 1883-85 og 1. representant for perioden 1889-91. I den fyrste stortingsperioden var han medlem av gasje- og pensjonskomiteen, i den andre av næringskomite nr 2 og valkomiteen.

Melhus døydde 1912 på sjukehuset i Trondheim.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Nils J. Melhus NSD Norsk senter for forskningsdatas politikararkiv