Norsk Bokmannslag
Norsk Bokmannslag var ei forening for nynorskforfattarar. Foreninga vart stifta 11. mars 1910. Formålet var å fremje litteratur på landsmål. Første formann var Idar Handagard. Foreninga hadde ved stiftinga 41 medlemmer, og Sven Moren vart «skrivar».
Yrkesmållag
[endre | endre wikiteksten]Alt i 1899 hadde ein diskutert om ein skulle opprette eit mållag for lærarar, men dette vart avvist då mange meinte at det var betre om lærarane arbeidde for saka utan å lage eigne organisasjonar. I 1910 gjekk forfattarar som skreiv på nynorsk likevel inn for å stå saman for å fremje interessene sine, og dette inspirerte sidan folk i andre yrke til å gjere det same. Bladmannalaget var det neste som kom, det skjedde på årsstemnet for Noregs Ungdomslag i Skien i 1913. I 1916 kom lærarmållaget, og sidan kom mange mållag for ulike yrkesgrupper: Telegrafmållaget, Lensmanssmållaget, Norsk Prestemållag, mållag for tilsette i departement, postverket og jarnveg, så vel som mellom ordførarar, ingeniørar, apotekarar, legar og juristar.[1]
Norsk Bokmannslag kom i strid med Den norske forfatterforening, og regjeringa valde etterkvart ut tre representantar frå Norsk bokmannslag til Forfatterforeninga sitt litterære råd. Ein av desse var Sven Moren, som sat i rådet frå 1915 til 1928.[2] Etter dette vart medlemmene i Bokmannslaget også medlemmer i Den norske Forfatterforening.
Leiarar
[endre | endre wikiteksten]- Idar Handagard 1910 til ?
- Sven Moren 1913 til 1916[3]
- Olav Hoprekstad 1917 til 1930
- Halvor Floden 1930 til 1956[4]
- Olav Dalgard 1963 til 1973, kanskje lenger[5]
Referansar
[endre | endre wikiteksten]- ↑ Norfrid Joleik: Identitet, nasjon, profesjon : Albert Joleik si redaktørrolle i eit motkulturelt og profesjonssosiologisk perspektiv Hovedoppgave i medievitenskap
- ↑ Informasjon i artikkelen om Sven Moren i Norsk Biografisk Leksikon
- ↑ Sven Moren hos SNL
- ↑ NBL-artikkel om Halvor Floden, skriven av Åsmund L. Strømnes
- ↑ Om Olav Dalgard i Hvem er Hvem 1973