Rune Richardsen

Rune Richardsen
Statsborgarskap	Noreg
Fødd	21. september 1962 Lillestrøm
Død	27. juli 2023 (60 år) Lørenskog
Yrke	fotballspelar

Rune Richardsen (21. september 1962–27. juli 1963) var ein fotballspelar frå Lillestrøm. Han var ein dribleglad midtbanespelar som vart norsk meister 1985 og seriemeister 1986 med Lillestrøm Sportsklubb. Richardsen deltok i fire landskampar i 1986-87. Også faren Oddvar Richardsen var norsk landslagsspelar.

Richardsen debuterte for Lillestrøm som 17-åring i 1980. Frå 1982 til 1987 hadde han rimeleg fast plass på midtbana i klubben. Han var med då Lillestrøm vann cupfinalen 1985 på Ullevaal stadion med 3-1 over Vålerengen IF. Sesongen etter vart han seriemeister med Lillestrøm, men måtte tole tap i cupfinalen same året. Lillestrøm var klare favorittar mot Tromsø Idrettslag, som derimot overraska med å vinne med heile 4 mot 1 i målprotokollen.

Frå hausten 1986 til sommaren 1987 deltok Richardsen i fire landskampar, alle saman kvalifiseringskampar til Sommar-OL 1988. Han kom ikkje på skåringslista i nokon av dei målfattige oppgjera.

Richardsen spelte frå 1988 og nokre år framover fotball på lokalt nivå på lag som Høland, Strømmen og Aurskog-Finstadbru.

Merittar

• Cupmeister: 1985 med Lillestrøm
• Seriemeister: 1986 med Lillestrøm

Kjelder

• Denne artikkelen bygger på «Rune Richardsen» frå Wikipedia på bokmål, den 9. juni 2016.

• eu-football