Vadzim Dzevjatoŭski

Vadzim Dzevjatoŭski
Statsborgarskap	Belarus
Fødd	20. mars 1977 (47 år) Navapolatsk
Idrett	friidrett, sleggjekast
Tok del i	Sommar-OL 2008, Sommar-OL 2004

Vadzim Dzevjatoŭski, eller Vadim Devjatovskij (fødd 20. mars 1977), er ein kviterussisk tidlegare sleggjekastar frå Novopolotsk som tok VM-sølv 2005, OL-bronse 2004 og EM-bronse.

Etter å ha vorte nummer fire i sleggjekasting ved Sommar-OL 2004, tok Dzevjatoŭski sølvmedaljen under verdsmeisterskapen i Helsinki året etter. I EM 2006 hamna Dzevjatoŭski på bronseplassen, 8 cm bakom sølvvinnar Olli-Pekka Karjalainen frå Finland. Vinnaren i Helsinki og under EM 2006, landsmannen Ivan Tsikhan, fekk elles annullert begge resultata etter at dopingprøvene frå 2004 vart testa på ny i 2012. Ved verdsmeisterskapen i Osaka i 2007 enda Dzevjatoŭski på fjerdeplassen, fattige 3 cm unna bronsen.

Under dei olympiske sommarleikane i Beijing vart kviterussarane Dzevjatoŭski og Tsikhan nummer 2 og nummer 3 i sleggjetevlinga. Etter leikane vart begge frådømde medaljane, men etter ein rettsprosess i 2010 tilkjende medaljane, grunngjeve med slurv i prøvetakinga.

Medaljar og plasseringar i internasjonale meisterskap

• VM 2003 i Paris: Nr 7 – 78,13 m
• OL 2004 i Aten: Nummer 4 – 78,82 m
• VM 2005 i Helsinki: Sølvmedalje – 82,60 m
• EM 2006 i Göteborg: Bronsemedalje – 80,76 m
• VM 2007 i Osaka: Nr 4 – 81,57 m
• OL 2008 i Beijing: Sølvmedalje – 81,61 m, bakom Primož Kozmus (82,02 m)

Kjelder

• Denne artikkelen bygger på «Wadsim Dsewjatouski» frå Wikipedia på tysk, den 10. juli 2019.