Baia de James
La baia de James, (en anglés: James Bay, en francés: Baie James) es un golf que perlonga al sud la baia d'Hudson en Canadà. Las doas baias son consideradas coma d'extensions de l'ocean Artic. La baia de James confronta las províncias de Quebèc e Ontàrio; las illas de la baia (que la pus granda es l'illa Akimiski) fan partida del territòri de Nunavut. Lo bacin de drenatge (o bacin idrografic) de la baia de James es lo site de divèrses projèctes idroelectrics màgers. Aquesta region compren los territòris tradicionals de divèrsas comunitats autoctònas, coma la primièra nacion Kashechewan e nòu comunitats afiliadas al Grand Conselh dels Crees del nòrd de Quebèc.
Los primièrs europèus i dintrèron en 1610, quand Henry Hudson explorèt la baia qu'a ara pres son nom. La baia de James recebèt ela son nom en onor de Thomas James, un capitani anglés qu'explorèt pus completament aquesta region en 1631.