Capitau sociau
Lo capitau sociau, sovent dich capitau, designa en comptabilitat lei ressorsas portadas a una companhiá per seis associats a sa creacion ò durant d'aumentacions de capitau ulterioras. Es un element obligatòri per totei leis entrepresas modèrnas. Pòu èsser compausat de ressorsas en natura (maquinas, brevets, matèrias premieras...) ò en numerari. En retorn, leis associats (accionaris) recebon de parts socialas de la companhiá (accions) que li permèton d'obtenir de drechs de vòte e de drechs sus lei beneficis de la companhiá. Pòdon tanben cedir aquelei parts a d'autreis individús ò entitats. Aqueu concèpte es una basa dau sistèma capitalista modèrne.