Jan Mària Carlotti
Jan-Mària Carlotti es un musicaire e poèta occitan. Conoissut coma v'un dei cantaires de la nòva cançon occitana, es v'un dei promier, ambe la formacion Mont-Jòia, que recampava tanben Jan-Nové Mabelly e Patrici Cònte d'asatar aquelei cançons revendicativas naissudas sus lo planestèu de Larzac a la realitat provençala.
Son trabalh de mesa en valor dau folklore popular mai tamben de composicion li permetèt puei de gerir lo festenau dei musicas mediterranencas.
Despuei 1984 e la sortida de son album Linhana se produsis solet, acompanhat de còps per Roland Pecot ai tèxtes, Michel Marre, Patric Vaillant, Silvio Peron e Gabriele Ferrero a la musica, e per Armelle Choquard a la dança.
A l'ora d'ara, de grops coma Massilia Sound System ò lo Còr de la Plana se revendican de son influéncia.
Discografia
[modificar | Modificar lo còdi]Mont-Jòia
- Cant e musica de Provença (1976)
- Cançons dei festas provençalas (1978)
En solitari
- Linhana/Lignane (1984)
- Anita Anita (1988)
- Xavier «el Coixo» (1988)
- Chansons de métiers de Provence et du Comtat Venaissin (1989)
- Pachiqueli ven de nuech (1993)
- Trobar 1 (1995)
- Peire e lou loup (1997)
- Linhana/Lignane (1997)
- Dire Robert Lafont (2005)
- …canta Aubanel Bec Bellaud (2011)