Javier Milei
Javier Gerardo Milei (Buenos Aires, 22 d'octobre de 1970) es un òme politic argentin. Es elegit president de la nacion argentina lo 19 de novembre de 2023. Politicament, es classat a l'extrèma drecha e descrit coma libertarian de drecha.[1][2] Plusors de sas posicions suscitan la contravèrsia, coma sa totala oposicion a l'avortament, son reget d'una educacion sexuala dins las escòlas, son sosten al liure pòrt d'armas e a la liberalizacion de las drògas, sa promocion de la teoria del marxisme cultural e sa negacion del rescalfament climatic.
Dins lo domeni economic, Milei se reconeis coma anarcocapitalista e defend un programa inspirat de l'escòla austriana que visa a demesir drasticament lo pes de l'Estat: voldriá aital suprimir la banca centrala argentina, remplaçar lo peso argentin per lo dolar estatsunidenc, suprimir las ajudas socialas, limitar lo nombre de ministres d'Estat e devesir per dos las despensas publicas.
Nòtas e referéncias
[modificar | Modificar lo còdi]- ↑ «Javier Milei, el populista de extrema derecha que llama a las puertas de la Casa Rosada» (en espanhòl), 09/06/2023. www.abc.es.
- ↑ Frenkel, Alejandro. «Milei y el auge global de la extrema derecha» (en espanhòl). www.tiempoar.com.ar.
| Precedit per Alberto Fernández |
 President d'Argentina A partir del 10 de decembre de 2023 |
Seguit per (elegit) |