Nicolau Rei Bèthvéder
Nicolau Rei Bèthvéder, (en francés : Nicolas Rey-Bèthbéder) neishut a Morencs en Bearn en 1970, qu'ei un escrivan, lexicografe e jornalista d'expression occitana.
Que publiquè un recuelh de novèlas literàrias, dab lo son hrair Eric Rei Bèthvéder en 2002, titolat : Blanc e Roi. Qu'ei tanben l'autor deu diccionari de l'occitan gascon tolosan en 2004 a las edicions de l'IEO, e un libe sus la toponimia de Sent Lis, vila on demòra, edicions Lobatièras, en 2000.
Que s'aucupa de la hèsta de Catinon, dab Patric Lasseube, on debutè la cantaira Alidé Sans.
Qu'estó tanben un collaborator regular de La Setmana de 1995 a 2010, puish adara que participa au Jornalet.
Qu'estudiè Sciéncias Politicas a Tolosa e Barcelona, puish ara qu'ei ensenhant d'occitan au licèu de L'Isla de Baish. Qu'ei membre deu conselh lingüistic deu Congrès Permanent de la Lenga Occitana. Qu'estó president deu CREO de Tolosa e vice-president de la FELCO de 2016 a 2020.
Ligam extèrne
[modificar | Modificar lo còdi]Diccionari francés-occitan gascon tolosan en linha sul site deu Congrès Permanent de la Lenga Occitana