Paavo Nurmi
Paavo Johannes Nurmi (13 de junh de 1897, Turku – 2 d'octòbre de 1973, Helsinki) es un atlèta finlandés especialista dei corsas de fons que sa carriera durèt de 1920 a 1934. Durant aqueu periòde, dominèt largament totei lei disciplinas d'endurança dau 1 500 m au cross. En particular, establiguèt 22 recòrds dau mond e ganhèt 12 medalhas olimpicas (9 d'aur e 3 d'argent).
Sa carriera s'arrestèt amb una suspension per la vida per professionalisme. Pasmens, demorèt fòrça famós e foguèt cargat d'atubar la flama dei Jòcs Olimpics d'Helsinki en 1952.