Simbòl
Un simbòl[1][2] es una representacion convencionala d'una idèa; es una realitat que n'evòca d'autras dins nòstre esperit mejançant un procès d'analogia. Lo simbòl tanben pòt representar un sentiment. Segon Charles Sanders Peirce, un simbòl es un tipe de signe especial.
L'etimologia del mot deriva del grèc ancian σύμβoλoν (sýmbolon), que vol dir aproximativament "lançar amb quicòm", es a dire, lo simbòl mena a la lutz una autra realitat sens desaparéisser el meteis, mas en combinant las doas, coma dins la metafòra. Lo simbòl es abitualament polisemic a causa de la connotacion, que l'enriquís.
Los simbòls pòdon èsser de diferents tipes: materials (una crotz es lo simbòl del cristianisme), visuals (la color roja es lo simbòl del movements socialistas), verbals (tot mot es un simbòl), numerics, sonòrs...
La semiotica es la disciplina qu'estúdia los simbòls, presents dins la religion, la psicologia o l'art, entretant.
Referéncias
[modificar | Modificar lo còdi]- ↑ Institut d'Estudis Aranesi-Acadèmia Aranesa dera lengua occitana. Vocabulari ortografic de l’estandard de la lenga occitana (en occitan) [1a. ed. novembre de 2019]. ISBN 978-84-09-13866-1. «simbòl m.»
- ↑ S'evita de confondre lo mot normal simbòl amb lo mot inexacte «simbèu» (escritura falsa per cimbèu o cimbèl qu'a un autre sens). Cf. «Simbèu*, un mot qu'existís pas». Jornalet, 31 d'octòbre de 2016.