Entidat públiko karibense
| Supkategoria di | Entidat públiko  |
|---|---|
| Pais | Hulanda |
Un entidat públiko karibense (hulandes: Caribisch openbaar lichaam, ingles: Caribbean public body) ta un entidat públiko konforme artikulo 132a di e Konstitushon di Hulanda. Tres entidat públiko karibense tin: Boneiru, Sint Eustatius i Saba, ku huntu ta forma Hulanda Karibense.
Solamente den e título nobo di kapítulo 7 di e Konstitushon titulá ‘Provinsia, munisipio, entidat públiko karibense, atministrashon di awa públiko i otro entidatnan públiko’ (hulandes:Provincies, gemeenten, Caribische openbare lichamen, waterschappen en andere openbare lichamen) e nòmber 'entidat públiko karibense' ta wòrdu usá. Den otro artíkulonan di e Konstitushon ta hasi menshon di ‘entidatnan públiko konforme artíkulo 132a’.
Gobièrnu
[editá | editá fuente]E kolegio ehekutivo ta e gobièrnu diario di un entidat públiko karibense. E kolegio ehekutivo ta konsisti di un gezaghebber i diputadonan. E representashon di pueblo ta e konseho insular, ku kada kuater aña ta wòrdu elegí pa e residentenan di e entidat públiko karibense.
Mira tambe
[editá | editá fuente]Link eksterno
[editá | editá fuente]- (nl) Wet van 1 november 2017, houdende verandering in de Grondwet, strekkende tot het opnemen van een constitutionele basis voor Caribische openbare lichamen en het regelen van een kiescollege voor de Eerste Kamer
- (nl) Wet van 14 februari 2018 tot wijziging van de Wet openbare lichamen Bonaire, Sint Eustatius en Saba en de Kieswet in verband met de introductie van kiescolleges voor de Eerste Kamer voor de Caribische openbare lichamen ten behoeve van de verkiezing van de leden van de Eerste Kamer