Jean Damaschène

Jean Damaschène
Unne iconne erligieuse ed Jean Damaschène
Vie
Nom d'naiçanche :	يوحنا الدمشقي
Date quand qu'il o nè :	dvers 675
Liu où qu'il o nè :	Damasch (Sirie)
Date quand qu'il o moéru :	4 d'déchimbe ed 749
Liu où qu'il o moéru :	Moûtier Mar Saba (Israël)
Nacionnalitè :	Sujet d'ech Califat onmèyade
Vénéracion
Vénérè per :	Églises catolike et ortodoxe
Cannonnisacion :	Date oblièe
Fête :	4 ed déchimbe
Aterbuts :	Acoûtermint arabe, live overt, iconne
Patronnache(s) :	Iconnografes, tiologiens

Jean Damaschène il étoét un tiologien arabe dvenu saint qu'il o vit aus VIIe VIIIe sièke in Sirie pis in Palestinne. Il étoét fonccionnoaire d'ech calife, moais il étoét crétien, foait qu'après 45 ans d'serviche il o finalmint dû tchiter s'carière quand ch'calife il o interdit à ches crétiens d'ête fonccionnoaires, foait qu'il o 'tè vive in Palestinne, dins un moûtier por y ête moinne.

Admintiers qu'ches Bizantins is s'mahonnoétte por savoér si qu'os povoét ou n'povoét mie foaire dz'images erligieuses, Jean il o prins plunme por définde echl'image crétienne, disant qu'conme ech Singneur I S'étoét incarnè, os povoét L'dépeinde moais seûmint dsous ches troaits incarnès, ch'est-à-savoér dsous ches troaits d'ech Crisse. Pis por ches eutes personnaches d'el Bibe pis d'echl'istoére crétienne (el sainte Vierge, ches saints pitout), cho n'posoét point d'problème d'foaire dz'images.

Ch'est grache à li qu'ches Bizantins is ont pu dévloper leurs ardjumints iconnofiles pis qu'achteure is foaitte coér des iconnes.