Oischischdarung
| Dialegd: Schbaimarisch |
Ä Oischischdarung ischä glawbhafdi Drohung, alla Okindischung vun uog'nehme Maßnohme geschee jemonden, ä Grubb odda än Schdaad, um soi odda ihr zukinfdische Hondlunge, Beschliss etc. zu b'oiflusse. Des isch a ä Schdradegie unn redorischi Tagdigg, wuma vasuchd ä Schlussfolscharung, än Schdondpungd, persenlische Wille etc. midd Macht unde Odrohung vun G'wald unn Konseqense onschdadd midd Vanunfd innem Dischbud zu reschdferdische. Onschdadd midd sachliche Agumend, werd midd Oischischdarung unn a G'waldodrohung unn -owendung, alla z. B. Kerwaschdrofe, alla z. B. Ohrfaisch odda Brischl, Griesch etc., vasuchd ä erwindschdes Vahalde änna onnare Person, Grubb odda Schdadd uffzuzwinge unn so die aischene Mänung, Posidzion, Ziel etc. zu erzwinge. Deswesche isch die Oischischdarung unn Drohung a än Fehlschluss unnä Schoinagumend.[1][2]
Oischischdarung uffna persenlische Ewene werd a als ä Manaschmendschdradegie g'seje, um podenzijelle Riwale iwwa die erheblische Konseqensezu zu informiere, midd denne sie reschne missn, wonnse gesche de Managa vorgejen odda um die Midarwaida uff Linie zu bringe.[3]
Form
[Schaffe | Om Gwelltegschd schaffe]De Druchschluss hodd die Form
| Wonn du P magschd, wasisch nedd will, donn krigschd vumma Q | |
| Awwa Q isch jo rischdisch schleschd fada unn des wilschd nedd. | |
| Druchschluss: | Alla, bessa du magschd nedd P |
odda
| Wonn du P nedd magschd, wasisch awwa will, donn krigschd vumma Q. | |
| Awwa Q isch jo rischdisch schleschd fada unn des wilschd nedd. | |
| Druchschluss: | Alla, bessa du magschd P. |
Schdroftad
[Schaffe | Om Gwelltegschd schaffe]Eng midde Oischischdarung vabunenne Schdroftade sinn B'drohung, Nedischung, Terrorisierung[4] unn Ogriff.
Bschdimmde Forme vun Oischischdarung wie z. B. sexuelle Oischischdarung, alla z. B. sexuelli Nedischung odda Bläschdigung, odda rassischdische Oischischdarung, alla z. B. rassischdischi Diskriminierung odda rassischdisches Mobbing, sinn in mehrere Lända ä Schdroftad. In [[Indien]|Indije], Bongladesch, Pakistan, Malaysia unn Singapore kennen die „kriminell Oischischdarung“ nachde Paragraphe 503 bis 506 vum IPC unn nadzionale Schdrofgsedzbicha unna Schdrof schdelld.[5][6][7][8][9]
In mehrere Schdaade vunde USA isch Oischischdarung ä Schdroftad, wubai des awwa inde Schdaade unnaschiedlisch defnierd isch. Oinische vunde Schdaade, z. B. Michigan, hawwen än Schdroftadsbschdond „‚‘‚ethnische Oischischdarung‘‚‘“.[10][11] In Kalifornije isch die Odrohung vun Schdroftade ä hybrides Deligd unn konn nochm kalifornische Schdrofg'sedzbuch endwedda als Vagehje odda als Vabresche vafolschd werre.[12]
In Daidschlond unde Schwaiz ischä „Drohung“, wu fade B'drohte iwwl isch unn der, wu drohd des a mache konn, als Nedischung grundsedzlisch schdrofba.[13] In Esterraisch werd fa ä Schdrofbakaid ä „gefährliche Drohung“ valongd.[14] Ä „schwere Drohung“ isch inde Schwaiz, wonn jemond dmidd in Ongschd odda SChregge vasedzd werd unn isch dord schdrofba.[15] Zudem isch ä Drohung, wus Volg als als „Schreckung der Bevölkerung“ in Laib, Lewe odda Aischtum sxgdrofba.[16]
Bolidigg
[Schaffe | Om Gwelltegschd schaffe]Oischischdarung inde Bolidigg werd uff nadzionala Ewene, alla vunnem Schdaad, oig'sedzd, wu än onnare Schdaad midd Drohunge unn Drog'bärde, wu abg'schreggend wirge sollen, d'zu zu bringe odda zu zwinge will sisch wie de g'winschd zu vahalde odda ebbes zu mache odda zu losse. Des konn z. B. s'vahänge vunnem Embargo uff Ware odda Dienschlaischdunge soi, wude Schdaad demma zu was zwinge will druff oag'wiese isch.[17][18], odda Vamesche werd oigfrore. Terrorismus isch ä Oischischdarungstagdigg, wu vun oinische Lända ausde zwedde unnd dridde Weld oigsedzd werd unn was schun als G'waldodrohung in viele Lända ä Vabresche isch.[19]
Gugschd a uff
[Schaffe | Om Gwelltegschd schaffe]Vawais
[Schaffe | Om Gwelltegschd schaffe]- ↑ Argumentum ad Baculum auf lander.edu
- ↑ John Woods: Argumentum ad baculum In: Argumentation. Bd. 12, Nr. 4 (November 1998), S. 493–504, doi:10.1023/A:1007779930624.
- ↑ Mark C. Bolino, William H. Turnley, Counter normative impression management, likeability, and performance ratings: the use of intimidation in an organizational setting, 2003, Journal of Organizational Behavior, 24(2), Seiten 237–250, DOI 10.1002/job.185, ISSN 0894-3796
- ↑ Title 17-A, §210: Terrorizing. Abgerufen am 29. September 2024.
- ↑ Raman Devgan, IPC Chapter 22, Indian Penal Code 1860, 31. Oktober 2022
- ↑ Gloria James-Civetta, Penalties for Criminal Force, Assault, and criminal Intimidation in Singapore, 29. Mai 2023
- ↑ In the High Court of Sindh, Bench at Sukkur, Cr. Acq. Appeal No. S – 216 of 2019, 2019
- ↑ Man fined RM3,000 for a charge of outraging modesty of woman, Borneo Post online, 01. Juni 2018
- ↑ Laws of Malaysia: Act 574, Penal Code Section 506, Punishment for criminal intimidation
- ↑ Dale Matheson, Montana Legislative Services: 45-5-203. Intimidation.. Abgerufen am 29. September 2024.
- ↑ Michigan Legislature - Section 750.147b. Abgerufen am 29. September 2024.
- ↑ California Penal Code 422. Abgerufen am 29. September 2024.
- ↑ § 240 StGB (Deutschland) – auch bei Versuch, also bei insoweit erfolgloser Drohung, Art. 181 StGB (Schweiz)
- ↑ § 105 StGB (Österreich), Definition der gefährlichen Drohung § 74 Abs. 1 Ziff. 5 letztlich weitgehend wie sonst Begriff des Übels
- ↑ Art. 180 StGB (Schweiz)
- ↑ § 258 StGB (Schweiz)
- ↑ Nicholas J. Spykman, America's Strategy in World Politics: The United States and the Balance of Power, 12. 07. 2017, Routledge, ISBN 978-1-351-53208-2
- ↑ Stephen K. Wegren, Putin's Russia: Past Imperfect, Future Uncertain, 16. 11. 2018, Rowman & Littlefield, ISBN =978-1-5381-1427-8, Seiten 285
- ↑ Terroristic Threat Law and Legal Definition. USLegal,. Abgerufen am 29.09.2024.