Fausto Coppi

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Fausto Coppi Angelo Fausto Coppi a l'é stàit un dij pi grand coridor dla stòria dël ciclism. A l'era nassù a Castlanìa ai 15 dë stèmber dël 1919, da Dumin-i Coppi e Angiolin-a Boveri. Ëdcò sò frel Serse a l'era ciclista. Fausto Coppi a l'avìa ancaminà a travajé a Neuve coma garson an na botega d'artajor. L'achit ëd soa cariera da coridor Coppi a l'ha corù soa prima corsa dël 1937 e ant l'istà dl'ann apress a l'ha vagnà soa prima gara a Castlèt d'Òrba. Dël 1939 a riva scond al Gir ëd Piemont; notà dal técnich ëd l'echip ëd Bartali, a na dventa ël gregari pòrta-eva al Gir d'Italia dl'ann dòp. Ambelelà, Bartali a robata ant le prime tape, as fa mal e as rend cont d'esse tajà fòra da la vitòria final. Sòn a lassa la stra lìbera a Coppi, che an sl'Abeton a conquista la maja reusa e a la ten fin-a a la fin. Dël 1942 a stabiliss ël primà mondial ëd l'ora, ch'a arzistrà fin-a al 1956. La guèra e l'apress guèra Durant la sconda guèra mondial, Coppi a l'é soldà an Tunisìa e a l'é pijà përzoné da j'anglèis. Dël 1945 a l'é mariasse con soa morosa Bruna, e dël 1947 a-i nass soa fija Marin-a. A l'é separasse dël 1954. Coppi a l'é mòrt a l'ospidal ëd Torton-a ai 2 ëd gené dël 1960 ëd na forma greva ëd malaria ch'a l'avìa ciapà an Àfrica e che ij dotor a j'ero nen ëstàit bon a arconòsse a temp. Vitòrie pi importante 5 Gir d'Italia (1940, 1947, 1949, 1952, 1953) 2 Gir dla Fransa (1949, 1952) 1 Campionà dël Mond (1953) 4 Campionà Italian (1942, 1947, 1949, 1955) 3 Milan-Sanremo (1946, 1948, 1949) 5 Gir dla Lombardìa (1946, 1947, 1948, 1949, 1954) 1 Paris-Roubaix (1950) 1 Flecia Valon-a (1950) Coppi e Bartali al Gir ëd Fransa dël 1952 An tut, Coppi a l'ha vagnà 122 corse.

Aiuto per la lettura Ayuda para la lectura Help for Reading Rintré ant la Piòla Contaté j'Aministrator Lìber për Amprende Coression ortogràfica Tastadura piemontèisa Portaj e Proget Agiut pr'ij Contributor Travajòt sempi