George Byron
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 George Gordon Byron, Baron ëd Byron ch'a fasìa 6 a l'era nassù an Anghiltèra ai 22 ëd gené dël 1788 e a l'é mòrt a Missolungi, Grecia ai 19 d'avril dël 1824. A l'é conossù ëdcò com Lord Byron e a l'é stàit un-a dle figure prinsipaj dël Romantissism. A l'é arcordà com un dij pi avosà poeta Europei e motobin ëd përson-e a leso ancó soe euvre. Ij sò poema narativ Childe Harold's Pilgrimage e Don Juan a son tra le soe euvre pi conossùe. Lord Byron a l'é ëdcò avosà për com a l'avìa vivù: vita stravaganta, motobin d'amor, débit, separassion e për avèj combatù contra ij Turch ant la guèra d'andipendensa dla Grecia, an doa a l'era peui mòrt per dle frev. As disìa ëdcò che a fussa omosessual (che al sò temp a l'era contra la lej) e ch'a fussa colpévol d'incest. Lady Caroline Lamb, che a l'era stàita soa fomna, a l'avìa dit ch'a l'era "mat, gram e pericolos da conòsse". Soa seure Ada Lovelace a l'é avosà përchè a colaborava con Charles Babbage an sla "analitycal engine", na machina ch'a l'é considrà l'antenà dij nòst calcolador. Euvre[modìfica | modifiché la sorgiss]
|
