نکا ایشیاء
ایشیائے کوچک ، براعظم ایشیاء دے لہندے حصے دا ناں اے ، اسنوں ایشیائی ترکی وی آکھیا جاندا اے ۔ ایشیائے کوچک یاں نکا ایشیا چ بوہتا علاقہ اناطولیہ دی سطح مرتفع دا اے ۔ اسدے اتلے تے دکھن چ یونٹک تے ٹورس دے کواستان نیں ۔ جہڑے چڑھدے چ آرمینیا دے پہاڑاں نال جا ملدے نیں ۔ اتلے چ کالا سمندر دا سخت پتھریلا ساحل اے ۔ دکھنی ساحل چ وڈیاں وڈیاں خلیجاں نیں ، پر لہندا ساحل کافی کٹیا پھٹیا اے تے اسدے بالمقابل کئی نکے وڈے جزیرے نیں ۔ اناطولیہ دا علاقہ خشک اے ، جس چ کتے کتے پانی دیاں نمکین جھیلاں نیں ۔ ایتھے اکثر بھچال آندے رہندے نیں ۔ ساحلی علاقہ خطہ روم دی آب و ہوا پاروں سرسبز تے شاداب اے ۔