Ружомберок

Мѣсто Словакии, регион Липтов Ружомберок Ružomberok словац. Выгляд в центрѣ Штат СловакияСловакия Край Жилинскый крайЖилинскый край Окрес Ружомберок Мѣстскый уряд Námestie Andreja Hlinku 1 034 01 Ružomberok Координаты 49.078611, 19.30833349°04′43″ с. ш. 19°18′30″ в. д.49.078611° с. ш. 19.308333° в. д.    Розлога 126,72 км² Надморска вышка 494 м Обывательство 26 558 особ (31.12.2019) Часова зона UTC+1, влѣтѣ UTC+2 Телефонный код +421-44 Поштовый индекс 031 01 ŠÚJ 510998 Официалный сайт [1] словац. Ружомберок

Ружомберок, словац. Ružomberok, нѣм. Rosenberg, мад. Rózsahegy — окресне мѣсто на Липтовѣ в Жилинском краю Словакии, на сутоку Вага з Ревуцов.

Полога

Ружомберок, центер долного Липтова, лежить в западной части Липтовской котрлины на межи горскых пасем Велика Фатра, Хочскы верхы и Низкы Татры. Ту иде желѣзнична линия Жилина – Кошицѣ, од Жилины оддаленый о 62 км на выход.

История

Перва документална упоминка походить з року 1233, мѣстскы привилегии зыскав в року 1314 од естергомского архибискупа Томаша, а в року 1340 краль Кароль Роберт их потвердив и росширив, и дав статус кральовского вольного вароша. Успѣшный розвой в том статусѣ зопер в року1390 краль Жигмонд, котрый оддав Ружомберок Ликавскому панству. Одтогды Ружомберок сторочами вюг споры з Ликавскым панством. Але, вдякы выгодному положѣню и наперек тым спорам, вывинув ся на торгово-ремеселный центер региона.

Економика

Уже на зачатку XX. стороча Ружомберок мав вывинутый текстилный промысел, целулозно-папѣрьовый, горнчарный и книгопечатный цѣлословацкого вызнаму. В социалистичной добѣ окреме просперовав бавовнярскый комбинат (BZVIL – Bavlnárske závody Vladimíra Iljiča Lenina), де мали роботу понад 5000 роботникох, а их выробкы были познаты по цѣлой Выходной Европѣ и СССР. По року 1989 комбинат быв приватизованый и скрахованый. З бывшого промыслу доднесь пережила целулозно-папѣрьова фабрика Mondi SCP a. s. (даколишны Severoslovenské celulózky a papierne, закладены в року 1880), котра давать роботу про 1500 людей и спонзоруе ФК Ружомберок.

Жерела и одказы

• Ružomberk //Ottův slovník naučný. Dvacátýdruhý díl. Praha: J. Otto, 1904. S. 387 Dostupné online чеш.
• Mesto Ružomberok. 6.5.2019. https://www.ruzomberok.sk/mesto-ruzomberok.html. [перевірено 2020-08-01]. словац.

Референции

Тоты даны суть часточно або цалком основаны на перекладї статї Ružomberok на словеньскій Вікіпедії.