Frantziscu de Assisi

Frantziscu de Assisi (Assisi, 26 de capidanne 1181 – Assisi, 3 de Santu Aine 1226) est istadu unu religiosu e misticu italianu.

Frantziscu de Assisi (naskidu Giovanni di Pietro Bernardone), fizu de Bernardone, ricu mercante de Assisi. Dae zòvanu s'est divertidu e at partetzipadu a sa vida de su tempus sou e puru a carchi impresa militare. In su 1206 si cunvertit a una vida pòbera, renuntziende a sos benes de famìlia, po vìvere che pòberu comente cumandat su Vanzelu, sighidu dae cumpanzos. Su paba Onòriu III aprovat sa règula de Frantziscu po unu òrdine religiosu nou, Sos Frades Minores, chi devian vìvere de elemòsina (Ordine Mendicante). Si azunghet unu Òrdine frantziscanu de fèminas (Sas Clarissas) e un Òrdine de làicos, su Tertz'Òrdine. Frantziscu faghet unu viàtzu in Egitu e Palestina, po bi preicare su Vanzelu. Famadu su Cànticu de sas creaduras. Sa tumba de Frantziscu in Assisi, cun duas basìlicas de bellesa manna, est tzentru de pellegrinàgios dae totu su mundu. Paris cun santa Caderina de Siena est patronu de Itàlia. Sa festa su 4 de santu Aine.