George Orwell

George Orwell

George Orwell (Motihari, India, 25 di giugnu 1903 – Londra, 21 di jinnaru 1950) nomu d'arti di Eric Arthur Blair, era nu scritturi ngrisi. È cchiù canusciutu pâ littiratura distòpica. Orwell fici sempri la sò attività littiraria nparallelu cu chidda di jurnalista e attivista pulìticu. Si difinì sempri sucialista ma li soi forti crìtichi di l'Unioni Suviètica e dû stalinismu cci purtaru a scuntràrisi cu na parti dâ sinistra di l'èbbica e passari comu n'"anàrchicu". Eccu lu quatru mintali e pulìticu di stu scritturi ca uddiava tutti li riggimi, a cuminciari di chiddi fascisti e passannu pi chiddi suviètici. "1984" è lu "Granni Frati" (ca ora quarcunu mancu sapi chi era e ci pari ca su mmintò la televisioni...) sunnu sìmmuli e, ntô stissu tempu, cuncintrati dî "paranoii" di Orwell: ma lu prubbrema cchiù grossu ca iddu voli mèttiri a focu nun è chiddu dî rittaturi ca ponnu allurdari lu munnu o chiddi ca già lu allòrdanu, simmai lu fattu ca cuegghiè, puru lu megghiu rivuluzziunariu, s'iddu è misu ê stritti, s'iddu ci attròvanu lu puntu dèbbuli, finisci pi tradiri a l'amici, li cumpagni, li sintimenti, l'idìi propi e a iddu stissu: la carni si scanta tantu quantu lu ciriveddu: l'omu è dèbbuli e a l'Umanità nun si pò aviri nudda fiducia. Chistu - e tutti li libbra di Orwell - sunnu di lèggiri e di pinzàrici supra.

Biografìa

George Orwell nascìu di na famigghia d'urìggini scuzzisi. Lu patri, anglu-indianu, era funziunariu di l'amministrazzioni britànnica in India.

Lu sò nomu è ricurdatu suprattuttu pû cuntribbutu chi desi â littiratura distòpica (Utopia dû latu oppustu), chi utilizzau cchiù voti nnâ lutta contrô totalitarismu.

Murìu di tuberculosi lu 21 di jinnaru 1950, nta nu spitali di Londra.

Curiusità

• Aldous Huxley fu prufissuri di Orwell pûn simestri a Eton.
• La sò muggheri Eileen fu addeva di J.R.R. Tolkien.
• "Omaggio alla Catalogna" eni nu rumanzu unni iddu cunta dâ guerra civili spagnola, quannu anàrchici e cumunisti e àutri cummattenti dimucràtici si scuntràvanu cu li falancisti di Francu e iddu, Orwell, cummattìa nzèmmula cu li libbirtari nzinu a quannu s'attruvaru, l'anàrchici, a sparàrisi chî stissi cumunisti.

Bibliografìa

• 1984 (1949)
• La fatturîa di l'armali (Animal Farm, 1945)
• Na vucca d'aria (Coming Up For Air, 1939)
• Omaggiu â Catalunia (Homage to Catalonia, 1938)
• La strata pi Wigan Pier (The road to Wigan Pier, 1937)
• Mprucchia l'aspidistra (Keep the Aspidistra flying, 1936)
• La figgia dû reverennu (A Clergyman's Daughter, 1935)
• Jorna in Burma (Burmese Days, 1934)
• Senza manca li càusi a Pariggi e Londra (Down and Out in Paris and London, 1933)

Saggìstichi (na scelta)

• A Hanging (1931) — [1]
• Shooting an Elephant (1936) — [2]
• Charles Dickens (1939) — [3]
• Boys' Weeklies (1940) — [4]
• Dintra la balena
  (Inside the Whale, 1940)
• Wells, Hitler and the World State (1941) — [5]
• Lu liuni e l'unicornu: lu sucialismu e lu geniu ngrisi
  (The Lion and the Unicorn: The Socialism and the English, 1941)
• The Art of Donald McGill (1941) — [6]
• Looking Back on the Spanish War (1943) — [7]
• W. B. Yeats (1943) — [8]
• Benefit of Clergy: Some notes on Salvador Dali (1944) — [9]
• Arthur Koestler (1944) — [10]
• Notes on Nationalism (1945) — [11]
• How the Poor Die (1946) — [12]
• Politics vs. Literature: An Examination of Gulliver's Travels (1946) — [13]
• Politics and the English Language (1946) — [14]
• Second Thoughts on James Burnham (1946) — [15]
• Decline of the English Murder (1946) — [16]
• Some Thoughts on the Common Toad (1946) — [17]
• A Good Word for the Vicar of Bray (1946) — [18]
• In Defence of P. G. Wodehouse (1946) — [19]
• Why I Write (1946) — [20]
• The Prevention of Literature (1946) — [21]
• Such, Such Were the Joys (1946) — [22]
• Lear, Tolstoy and the Fool (1947) — [23]
• Reflections on Gandhi (1949) — [24]