Nniminagghia
La nniminagghia (o anniminagghia o niminagghia) si tratta di na dumanna di quattru righi, tanti voti abbastanti vaga, di cui lu litturi o chiddu chi ricivi la dumanna, havi a pruvari a nzirtari la risposta giusta. Pò èssiri anticchia schirzusa, ma nurmalmenti lu ndrizzu dâ dumanna è accussì vagu ca è assai difficili a nzirtarila; e sulu stu fattu cci basta p'èssiri nu passatempu divirtenti. Si chiama indovinello pi talianu e riddle pi ngrisi.
Quarchi asempiu
[cancia | cancia lu còdici](Li primi dui asempî ni vennu d'Arba Sicula, vulumi II).
- Beddu vidiri
- caru d'accattari
- si llinchi di carni
- e si lassa stari
- Risposta: L'aneddu
- Parra ma nun havi lingua
- Penza ma nun havi menti
- E quannu è sulu sulu
- parra e penza nenti
- Risposta: Lu libbru
- Ie` na cosa
- longa e tisa
- ca mi strica
- ntâ cammisa
- Risposta: a cravatta
- Aiu aiu
- Jesù mia
- Lassàtimi spugliàri
- Cà vi fazzu arricriàri
- Risposta: lu ficu d'Innia
Riddubbiu
[cancia | cancia lu còdici]Lu riddubbiu è quarchiccosa sìmili, ma è chiutostu comu nu rèbbusu pi cui cci nni voli na risposta anticchia superchiu di na palora.
P'asempiu:
- Vivu acqua pi nun aviri vinu,
- ma si acqua avissi, vinu vivissi.
- Risposta: Lu mulinaru nun putìa travagghiari pirchì nun c'era acqua nnô so mulinu. Nun putennu travagghiari nun avìa li sordi pi cattarisi lu vinu.
(St'asempiu veni d'Arba Sicula, vulumi II)