Uttùviru 2012

Sicilia e cuntinenti

29 di uttùviru

• Palermu: N sèquitu a l'elizzioni riggiunali pi lu rinnovu di l'Assemblea Riggiunali Siciliana tinùtisi aieri, lu novu prisidenti è Rosariu Crocetta, dû Partitu dimucraticu. Lu PDL e l'alliati sò nescinu battuti. Lu canninatu dû Muvumentu 5 Stiddi agghica a 18% dî cunsensi.

---

26 di uttùviru

• Mormannu: Ntâ notti ci fu nu tirrimotu di gradu 5,1 dâ scala Richter. Causau nu mortu di nfartu e danni vari.

---

11 di uttùviru

• Sarausa: lu rilittu di na navi di guerra spagnola vinni truvatu di summuzzatura dâ guardia di finanza. Secunnu li primi esami si putissi trattari di na navi affunnata duranti lu cummattimentu di Capu Passiru di lu 11 di austu dû 1718.

---

10 di uttùviru

• Missina: Beppi Grillu, leader dû muvumentu cincu stiddi, natau di Canniteddu a Missina.
• Reggiu Calabbria: Lu cunsigghiu cumunali vinni sciugghiutu pi nfiltrazzioni mafiusi.

---

7 di uttùviru

• Rausa: Nu attacchinu di manifesti pî prossimi elizzioni riggiunali è ô spitali n sèquitu a n'agrissioni di n'autru attacchinu di manifesti di nu partitu cuncurrenti.

Munnu

31 di uttùviru

• New York: Lu cicluni Sandy s'abbattiu ntâ costa est dî Stati Uniti facennu na uttantina di morti e danni valutati a 40 miliardi di dollari.

---

15 di uttùviru

• Oslu: Cu l'assignazzioni di l'urtimi distinzioni s'accapa la simana dî premi Nobel. Tra li primiati ca fìciru cchiù scrusciu lu premiu Nobel pâ littiratura jìu ô cinisi Mo Yan, e lu chiddu pâ paci jiu all'Unioni Europea

---

14 di uttùviru

• Roswell: Lu sportivu di l'estremu Felix Baumgartner si lanciau di na autizza di 39 km cô paracaduti, battennu accussì lu record pricidenti.

---

5 di uttùviru

• Aleppu: La situazzioni ntâ capitali ecunòmica dâ Siria è sempri tisa. Li cummattimenti tra forzi dû cuvernu e nsurgiuti sunnu sempri assai forti. Na bumma tummau pi sbagghiu nti nu paisi turca vicinu la fruntera câ Siria, facennu cincu morti, e causannu na risposta militari turca.