Addis Ababa
Addis Ababa tga tamaẓunt n tmazirt n Yityupya d tɣrmt nns akkʷ imqqurn, tga yat ɣ tɣrmiwin ssugrnin ɣ Tfriqt, tufa adɣar nns ɣ tuẓẓumt n Ityupya ɣ iffus n idrarn n Yinṭuṭu, bbin tt kra n yiɣzran dranin, d gigan d taddagin n ukalitus ar gis ttmɣaynt.[1]
Ɣinn a ɣ illa udɣar n tnmalayt n tamunt Tafriqit (AU), illa nit ma ittinin is d nttat ad igan tamaẓunt tasrtant n Tfrit, tg daɣ yan uẓẓum ansbbab mqqurn, yili gis yan ɣ igadazn ṛẓmnin akkʷ usɛanin ɣ tmnẓawt, agadaz-ad ism as "Mirkaṭu", tbidd ɣ tdmsa n tɣrmt-ad f uzznz n Ssima, skkaṛ, ibrdan, d ugaṛṛu.[1]
Tiɣrmt-ad zdɣn gis attayn n 3,36 n umlyun n mddn.
Ism
[ssnfl | Snfl asagm]Ism n "Addis Ababa" ikka d tutlayt Tamharit, ig unamk nns "Tajddigt Tamaynut".[1]
Amzruy
[ssnfl | Snfl asagm]Tettyawbna tɣrmt n Waddis Ababa ɣ usggʷas n 1887, f ufus n ugllid "Mnlik wis II" ig tt tamaẓunt n tgldit nns lli mi ism "Cawa". Agllid-ad rad sul iskr yat tmnukda ismunn ma iggutn ɣ tsgiwin, akal n tɣrmt iɣama i twja n ugllid ar 1974 d ɣ usggʷas ad rad tnkr yat tgrawla da tssixf yat tgrgurt n isrdasn lli rad tgr angraw agldan n Hilasilasi Amzwaru.[1]