Askkur
Askkur nɣ Azkkur (s taɛrabt: حجل) iga waylal n uzkkur zzɣ urruy n ifullusn d dars yat tfkka tamjahdit d taẓḍuyt nns ar tlkkem n gr 375 d 450 gram d ar tlkkem tiɣzi nns gr 24 ar 34 santim, d dars yan akʷlu ifulkiin n isams nns ar t ittajja ad ur ibayn gr tuga.
Iɛzza dar waylal n uzkkur ad iddr ɣ trubba mẓẓinin d ad ittazzal, d ur a yettfarray abla iɣ issyafa s imizi acku ntta iḥmel ad izzigiz. Ar icetta wezkkur kigan n wanawn n ibuxxucn d tuga d ijjign.
Ar tssrus tawtmt n uzkkur kra n ugnar n tglayt g usggʷas n litihal d ar tn teṣḍaṛ g yan ugḍi ittilin g ddu n waddagn d tuga afadd ad ur nunnen t tiglay nns. D ar fllasn ttegiwir 20 ar 25 n wass, d ar ittfarray uzkkur dat n 2 imalass helli f iɣ-d ilul. d illa wanaw ad n waylaln g temizar n yiẓẓlmḍ n tfṛiqt zund Amrruk.
Askkur iga yan wanaw n igḍaḍ ittzdaɣen g taganin, neɣ idɣaren ixwan g ur illi ufgan. Askkur iga yan ugḍiḍ imqquren zud acicaw macc ikkʷlan-ns stin. Askkur ur ayttaylal mliḥ.