Jump to content

Balfin Group

Checked
Nga Wikipedia, enciklopedia e lirë

Grupi BALFIN është një nga grupet më të suksesshme[1] dhe më të rëndësishme të investimeve në Ballkanin Perëndimor dhe disa vende të Bashkimit Evropian. I themeluar në vitin 1993 nga Samir Mane në Vjenë, Austri, grupi ka zgjeruar prezencën e tij duke qenë i pranishëm në dhjetë vende dhe dy kontinente.

Me një larmishmëri të portofolit që përfshin pasuritë e paluajtshme[2], shitjet me shumicë dhe pakicë[3], sistemin bankar[4], turizmin[5], energjinë, arsimin, logjistikën, etj. Grupi BALFIN ka tashmë një rol të rëndësishëm në tregjet ndërkombëtare. Ky grup është një partner i besueshëm për kompanitë ndërkombëtare që duan të investojnë në Ballkanin Perëndimor.

Grupi ka reth 5,000 punonjës[6], me një mision për të ndërtuar kompani të forta, duke promovuar inovacionin, duke krijuar mundësi të barabarta për zhvillimin  profesional të punonjësve dhe duke krijuar një impakt pozitiv në shoqëri.

Totali i aseteve të Grupit deri më tani (përfshirë institucionin financiar) është 2.1 miliardë euro[7] sipas të dhënave të vitit 2022.

Prezenca Ndërkombëtare

[Redakto | Redakto nëpërmjet kodit]

Që nga fillimet e tij tri dekada më parë, Grupi BALFIN ka evoluar në një sipërmarrje miliarda dollarëshe me ndikim të rëndësishëm ekonomik dhe shoqëror. Ndërsa tregtia me pakicë dhe pasuritë e paluajtshme mbeten sektorë kryesorë, grupi ka pasu rritje eksponenciale në të gjitha industritë e tij. Nëpërmjet zgjerimit strategjik dhe partneriteteve, Grupi BALFIN është prezent në Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe në Shtetet e Bashkuara të Amerikës. Duke zbatuar praktikat më të mira dhe strategjitë inovative të menaxhimit, grupi mbetet i përkushtuar për të rritur prezencën e tij globale dhe për të forcuar bashkëpunimin me partnerët.

Historiku

[Redakto | Redakto nëpërmjet kodit]

Rrugëtimi i Grupit BALFIN filloi me investimin e Samir Mane në industrinë e shitjes me pakicë në Vjenë. Me kalimin e viteve, grupi e pasuroi portofolin e tij, me pasuritë e paluajtshme që po bëhej një sektor i rëndësishëm. Investimet kryesore përfshijnë zhvillimin e pronave rezidenciale, tregtare dhe industriale, si dhe ngritjen e qendrave tregtare për herë të parë në vend, si QTU dhe TEG[8]. Zgjerimi i grupit në sektorin bankar me Tirana Bank shënoi një moment kyç[9], duke mundësuar rritjen e përshpejtuar brenda sektorit financiar në Shqipëri. Për më tepër, blerjet dhe investimet strategjike e kanë nxitur Grupin BALFIN në industri të reja, duke përfshirë transportin, logjistikën[10] dhe energjinë.

Gjatë gjithë historisë së tij, Grupi BALFIN ka patur arritje të shumta që kanë formësuar trajektoren e tij dhe kanë forcuar pozicionin si një lider në treg. Që nga fillimi i Alba Trade në 1993[11] deri në blerjen e Tirana Bank[12] në 2019, çdo moment historik ka kontribuar në rritjen dhe diversifikimin e grupit. Projekte të mëdha si Green Coast Resort[13] dhe Univers City shfaqin përkushtimin e grupit në zhvillimin e pasurive të paluajtshme dhe turizmit. Për më tepër, partneritetet strategjike me markat dhe organizatat globale kanë mundësuar zgjerimin e Grupit BALFIN në tregje dhe industri të reja.

Projekte dhe iniciativa

[Redakto | Redakto nëpërmjet kodit]

Ndërsa Grupi BALFIN vazhdon të zhvillohet, ai mbetet i fokusuar në nxitjen e rritjes së qëndrueshme dhe krijimin e vlerave të reja partneriteti. Me projekte[14] si Vlora Marina dhe BALFIN-tech AG[15], grupi është i gatshëm të zgjerojë më tej praninë e tij në sektorë dhe tregje kryesore. Nëpërmjet një kombinimi të investimeve strategjike, iniciativave inovative dhe një përkushtimi për rritje, Grupi BALFIN synon të ruajë pozicionin e tij si një grup lider investimesh në Ballkanin Perëndimor dhe më gjerë.

Arritjet kryesore

[Redakto | Redakto nëpërmjet kodit]

Vitet '90

[Redakto | Redakto nëpërmjet kodit]

Në vitin 1993, Samir Mane vendosi gurthemelin e atij që më vonë do të bëhej Grupi BALFIN. Gjithçka filloi me themelimin e Alba Trade[16] në Austri, duke shënuar fillimet modeste të grupit në tregun e elektronikës si distributori zyrtar i pajisjeve elektronike shtëpiake.

Ndërkohë, një kompanii u shfaq në tregun e shitjes me pakicë. Neptun hapi dyqanin e tij të parë, duke rrëmbyer shpejt zemrat e konsumatorëve dhe duke u zgjeruar për t'u bërë rrjeti më i madh i dyqaneve elektronike në vend. Me kalimin e kohës, ndikimi i Neptun u shtri përtej kufijve të Shqipërisë, duke arritur në Maqedoninë e Veriut dhe Kosovën[17], duke forcuar statusin e tij si një fuqi rajonale në industrinë e elektronikës.

Vitet 2000 - 2010

[Redakto | Redakto nëpërmjet kodit]

Me kalimin e viteve, Grupi BALFIN filloi një udhëtim diversifikimi dhe zgjerimi. Në vitin 2002, Mane TCI, i njohur tani si BALFIN Construction, u angazhua në zhvillimin dhe menaxhimin e pasurive të paluajtshme, duke hedhur bazat për sipërmarrjet e grupit në këtë treg.

Në vitin 2005, erdhi një moment historik me hapjen e QTU, e njohur edhe si Qendra Tregtare Universe[18], në Tiranë, Shqipëri. Kjo shënoi fillimin e një epoke të re si qendra e parë tregtare në vend, duke revolucionarizuar tregun e shitjes me pakicë. Njëkohësisht, Euromax u bë zinxhiri më i madh i supermarketeve në Shqipëri.

Vitet 2011 - 2019

[Redakto | Redakto nëpërmjet kodit]

Shpejt në vitin 2011, u përurua TEG, qendra tregtare më e madhe në vend[19], duke prezantuar një larmi të markave ndërkombëtare për shqiptarët. Ndërkohë, Jumbo, në bashkëpunim me Kidzone (në pronësi të Grupit BALFIN), debutoi megastorin e parë në Tiranë, Shqipëri, duke i hapur rrugën zgjerimit të saj në vendet fqinje.

Në vitin 2012, Grupi BALFIN vendosi fokusin e tij në Maqedoninë e Veriut, duke investuar në Skopje City Mall, një projekt historik që më vonë do të blihej nga Hystead Group, duke rritur më tej vlerën dhe ndikimin e tij në rajon.

Viti 2013 shënoi një moment të rëndësishëm pasi Grupi BALFIN bleu aksionet e ACR Holding, duke e riemërtuar atë në AlbChrome. Kjo lëvizje strategjike e bëri kompaninë një nga prodhuesit kryesorë evropianë të ferrokromit, duke reformuar tregun industrial. AlbChrome u ble më pas[20] nga Yildirim Group.

Ndërkohë, Tirana Logistic Park filloi funksionimin si parku i parë logjistik në Shqipëri, duke forcuar më tej infrastrukturën dhe aftësitë logjistike të vendit.

Me kalimin e viteve, Grupi BALFIN vazhdoi të diversifikonte portofolin e tij, duke u futur në turizmin elitar me ndërtimin e Green Coast Resort në 2015 dhe duke zgjeruar praninë e tij në tregun e shitjeve me pakicë me prezantimin e supermarketeve SPAR në vitin 2016.

Në vitin 2018, grupi bëri hapa të rëndësishëm në sektorin e energjisë me blerjen e NewCo Ferronikeli, një prodhues i madh i nikelit në Evropë dhe eksportuesi më i madh i Kosovës i blerë[21] më më pas nga Yildirim Group[22].

Më pas, themelohet TH&B Immo[23], e fokusuar në zhvillimin e pasurive të paluajtshme në Austri.

Në vitin 2019, Grupi BALFIN hyn në industrinë bankare nëpërmjet blerjes së Tirana Bank, duke forcuar pozicionin e tij kyç në sektorin financiar të Shqipërisë[24].

Vitet 202 e deri më sot

[Redakto | Redakto nëpërmjet kodit]

PJ 137 Living shënoi investimin e dytë të grupit në zhvillimin e pasurive të paluajtshme në Vjenë, Austri.

Në vitin 2021 Grupi BALFIN forcon statusin e tij si investitori më i madh i huaj në Maqedoninë e Veriut me inaugurimin e East Gate Mall, ndërsa në të njëjtën kohë filloi projekte ambicioze si M Gallery Boutique Hotel dhe Univers City, duke treguar përkushtimin e tij ndaj turizmit dhe zhvillimit rezidencial.

Në vitin 2022, West Park[25] hapi dyert në Korçë, duke shënuar investimin e parë të këtij lloji të Grupit BALFIN në portofol, ndërsa BALFIN-tech AG[26] debuton në Zvicër, duke u fokusuar në teknologjinë mjekësore dhe inovacionin.

Në vitin 2023, fillon ndërtimi i Vlora Marina, një dëshmi e angazhimit të Grupit BALFIN për të formësuar të ardhmen e infrastrukturës turistike shqiptare[27], duke premtuar një përvojë moderne resorti detar për të gjithë ata që e vizitojnë.

ESG dhe Qëndrueshmëria

[Redakto | Redakto nëpërmjet kodit]

Grupi BALFIN ka prioritet politikat mjedisore, sociale dhe të mirëqeverisjes (ESG) në të gjitha kompanitë[28], duke nxitur një kulturë korporative që mbështet iniciativat ESG në të gjithë vendet ku Grupi BALFIN është prezent. Me fokus në politikat e përgjegjësisë sociale të korporatave, Grupi BALFIN zbaton praktikat më të mira ndërkombëtare, në katër shtylla kryesore të përgjegjësisë së korporatave: Arsimin, Shëndetin dhe Mirëqenien, Mjedisin dhe Zbutjen e Varfërisë.

Duke zbatuar standardet ESG, Grupi BALFIN promovon qëndrueshmërinë në modelet e biznesit, duke përmirësuar vazhdimisht standardet në menaxhimin, përfshirjen e komunitetit[29] dhe praktikat mjedisore[30]. Si një aspekt themelor, Grupi BALFIN i jep përparësi çështjeve të qëndrueshmërisë dhe ESG, duke njohur lidhjen e tyre të drejtpërdrejtë me rritjen e biznesit dhe ndikimin shoqëror.

Referime

[Redakto | Redakto nëpërmjet kodit]
  1. ^ admin (2023-06-21). "Grupi BALFIN feston 30 vjetorin, tashmë në 10 shtete dhe 2 kontinente". Business Magazine Albania (në anglishte amerikane). Marrë më 2024-03-21.
  2. ^ "Balfin Real Estate Forum, standard i ri në industrinë e pronave të paluajtshme". Marrë më 2024-03-21.
  3. ^ "Zv.Presidenti i Grupit BALFIN: Shitjet me pakicë 50% rritje, ja koncepti i ri që sjellim në biznes". www.panorama.com.al. 2024-03-21. Marrë më 2024-03-21.
  4. ^ "Tirana Bank ndryshon pronarë, e blen Balfin Group". top-channel.tv (në anglishte amerikane). Marrë më 2024-03-21.
  5. ^ "Më shumë se kurrë investime në turizëm në Shqipëri nga sektori privat! Green Coast projekti kryesor, mbi 1 miliard euro investim". www.panorama.com.al. 2024-03-21. Marrë më 2024-03-21.
  6. ^ "BALFIN Group". Balfin (në anglisht). Marrë më 2024-03-21.
  7. ^ "BALFIN Group". Balfin (në anglisht). Marrë më 2024-03-21.
  8. ^ TV, SCAN (2022-12-02). "IFC e BALFIN, marrëveshje financimi për zgjerimin e TEG. Edlira Muka: Grupi ynë një forcë ndryshimi. Karadsheh: Këto investime rrisin ekonominë – SCAN TV" (në anglishte amerikane). Marrë më 2024-03-21.
  9. ^ "Tirana Bank ndryshon pronarë, e blen Balfin Group". top-channel.tv (në anglishte amerikane). Marrë më 2024-03-21.
  10. ^ tg (2013-10-10). "Hapet Tirana Logistic Park (TLP), Parku më i madh logjistik në Ballkanin Perëndimor". Gazeta Telegraf. Marrë më 2024-03-21.
  11. ^ "Alba-Trade, kompania austriake me ADN shqiptare që furnizon me teknologji Ballkanin". Marrë më 2024-03-21.
  12. ^ "Tirana Bank ndryshon pronarë, e blen Balfin Group". top-channel.tv (në anglishte amerikane). Marrë më 2024-03-21.
  13. ^ greencoast1. "Retail Space ENQUIRIES - Green Coast Resort and Residences" (në anglishte amerikane). Marrë më 2024-03-21.{{cite web}}: Mirëmbajtja CS1: Emra shifrorë: lista e autorëve (lidhja)[lidhje e vdekur]
  14. ^ "https://shqiptarja.com/lajm/vlora-marina-residences-sjell-hotelin-me-5-yje-marriott-i-pari-ne-bregdetin-shqiptar-apartamentet-e-branduara-inovacioni-i-ketij-bashkepunim". shqiptarja.com. Marrë më 2024-03-21. {{cite web}}: Lidhje e jashtme në |title= (Ndihmë!)
  15. ^ "Grupi BALFIN debuton në mjekësi në Zvicër, do të mbështesë bizneset më novatore". Marrë më 2024-03-21.
  16. ^ "Alba-Trade, kompania austriake me ADN shqiptare që furnizon me teknologji Ballkanin". Marrë më 2024-03-21.
  17. ^ "Neptun në Pejë, një rihapje emoionuese që zgjoi vëmendjen e konsumatorit". Telegrafi. 2023-11-15. Marrë më 2024-03-21.
  18. ^ Webmaster (2018-07-16). "Çfarë po ndodh në kantierin e QTU-së? Zbulohen detaje të rëndësishme nga rikonstruksioni". Revista Monitor (në anglishte amerikane). Marrë më 2024-03-21.
  19. ^ Webmaster (2011-12-26). "Hapet TEG, qendra më e madhe në vend". Revista Monitor (në anglishte amerikane). Marrë më 2024-03-21.[lidhje e vdekur]
  20. ^ Balfin, User (2022-01-19). "INTERNATIONAL CONGLOMERATE YILDIRIM GROUP ACQUIRES ALBCHROME HOLDING SH.P.K". Balfin (në anglisht). Marrë më 2024-03-21. {{cite web}}: |first= ka emër të përgjithshëm (Ndihmë!)
  21. ^ Balfin, User (2022-09-21). "NewCo Ferronikeli's shares and ownership to YILDIRIM Group". Balfin (në anglisht). Marrë më 2024-03-21. {{cite web}}: |first= ka emër të përgjithshëm (Ndihmë!)
  22. ^ Hoti, Ilirjana (2022-06-07). "Shitet Ferronikeli, blihet nga kompania turke 'YILDIRIM'". Raporto Korrupsionin! KALLXO.com (në anglisht). Marrë më 2024-03-21.
  23. ^ balfin_admin (2017-09-14). "Balfin Group expands its influence and marks its name in the real estate market in Austria". Balfin (në anglisht). Marrë më 2024-03-21.
  24. ^ "Tirana Bank ndryshon pronarë, e blen Balfin Group". top-channel.tv (në anglishte amerikane). Marrë më 2024-03-21.
  25. ^ "West Park, debuton modeli i ri i mini-qendrave tregtare". Shqiptarja.com. Marrë më 2024-03-21.
  26. ^ "Grupi BALFIN debuton në mjekësi në Zvicër, do të mbështesë bizneset më novatore". Marrë më 2024-03-21.
  27. ^ "Më shumë se kurrë investime në turizëm në Shqipëri nga sektori privat! Green Coast projekti kryesor, mbi 1 miliard euro investim". www.panorama.com.al. 2024-03-21. Marrë më 2024-03-21.
  28. ^ Balfin, User (2023-05-04). "BALFIN Group participates in the Western Balkans ESG Summit in Montenegro". Balfin (në anglisht). Marrë më 2024-03-21. {{cite web}}: |first= ka emër të përgjithshëm (Ndihmë!)
  29. ^ "Fushata, Balfin pranë natyrës dhe komuniteteve në nevojë në Shqipëri, Kosovë e Maqedoni". Shqiptarja.com. Marrë më 2024-03-21.
  30. ^ Balfin, User (2023-02-01). "TEG goes green, 80% powered by solar panels". Balfin (në anglisht). Marrë më 2024-03-21. {{cite web}}: |first= ka emër të përgjithshëm (Ndihmë!)
Marrë nga "https://sq.wikipedia.org/w/index.php?title=Balfin_Group&oldid=2697192"
pFad - Phonifier reborn

Pfad - The Proxy pFad of © 2024 Garber Painting. All rights reserved.

Note: This service is not intended for secure transactions such as banking, social media, email, or purchasing. Use at your own risk. We assume no liability whatsoever for broken pages.


Alternative Proxies:

Alternative Proxy

pFad Proxy

pFad v3 Proxy

pFad v4 Proxy