Alanin
| Alanin | |
Gambar:Height setter.png  
Struktur kimia L-alanin | |
| Ngaran sistimatis | Asam (S)-2-aminopropanoat |
| Rumus kimia | C3H7NO2 |
| Massa molekul | 89.1 g mol-1 |
| Data lengkep | |
Alanin (Ala), ngaran kimiana asam 2-aminopropanoat téh nyaéta asam amino non-ésénsial. Di alam, alanin aya dina dua énansiomér L-alanin jeung D-alanin. L-alanin mangrupa salah sahiji ti 20 asam amino nu paling umum dipaké dina sintésis protéin, sahandapeun leusin, kira 7.8% tina struktur primér dina 1.150 conto protéin [1]. D-alanin aya dina pinding sél baktéri jeung sababaraha antibiotik péptida.
Struktur
[édit | édit sumber]Atom α-karbon dina alanin ngabeungkeut gugus métil (-CH3), sahingga ieu asam amino téh jadi asam α-amino nu pangbasajanna dumasar struktur molekul, sarta ngajadikeun alanin salaku asam amino alipatik.
Sintésis
[édit | édit sumber]Alanin ilaharna dijieun ku jalan mindahkeun hiji gugus amin ka piruvat. ku sabab réaksi transaminasi mah bisa malik (reversibel), alanin bisa dibentuk tina piruvat sahingga patali raket jeung jalur métabolik sarupaning glikolisis, glukonéogenesis, jeung daur asam sitrat.
Guna
[édit | édit sumber]Gugus métil dina alanin mah henteu réaktif, sahingga tara aub dina guna protéin sacara langsung. Alanin mah pentingna téh dina mikawanoh atawa spésifisitas substrat, utamana jeung atom-atom non-réaktif kawas karbon.
Sumber
[édit | édit sumber]Sadaya katuangan nu ngandung protéin, kayaning daging, lauk, endog, jeung olahan susu, loba ngandung alanin.
Rujukan
[édit | édit sumber]- a Doolittle RF (1989). "Redundancies in protein sequences" in Prediction of Protein Structures and the Principles of Protein Conformation. (Fasman GD, éd.), kc. 599-623, Plenum Press, New York.
Tumbu kaluar
[édit | édit sumber]
| Alanin (kd) | Arginin (kd) | Asparagin (kd) | Asam aspartat (kd) | Sistéin (kd) | Asam glutamat (kd) | Glutamin (kd) | Glisin (kd) | Histidin (kd) | Isoleusin (kd) | Leusin (kd) | Lisin (kd) | Métionin (kd) | Fénilalanin (kd) | Prolin (kd) | Serin (kd) | Tréonin (kd) | Triptopan (kd) | Tirosin (kd) | Valin (kd) |
| Asam amino ésénsial | Protéin | Péptida | Kode genetik |